حورية فرغلي توجه رسالة من أمريكا .. كفايا شائعات عن وفاتي

حورية فرغلي تطمئن جمهورها علي صحتها

طمأنت الفنانة حورية فرغلى، جمهورها في الوطن العربي من خلال تواجدها بأمريكا علي حالتها الصحية، حيث تخضع حورية لعدة عمليات جراحية في ولاية شيكاغو الأمريكية بأنفها.

ونجحت العملية الجراحية الأولى الي أجرتها والتي جاءت عبارة عن استقطاع بعض العظام من القفص الصدرى لوضعهما في الأنف لتعود للشكل الطبيعى.

وقالت حورية في رسالتها الصوتية لإحدي الصحف "جمهورى الجبيب، صحابي، أهلى كل الناس وحشتونى وحشتونى، أنا بكلمكم من شيكاغو، بعد عملية عملتها يوم 8 فبراير الماضى، استغرقت 10 ساعات، أتألمت فيها كتير قوى، وبدعواتكم ودعوات أمى، قدرت اتغلب على الألم، وبعمل اللى الدكتور قاللى عليه، جلسات الأكسجين، علشان يحضرنى للعملية التانية اللى هعملها يوم 1 مارس إن شاء الله".

حورية فرغلي : كفايا شائعات عن وفاتي

واستكملت :العملية التانية هتكون 3 ساعات فقط، وبدعمكم الكبير حاسة أنى هرجع أقوى من الأول، ومكنتش أعرف أن كل الحب ده ليا، رغم أنى الحاجات مكنتش بشوفها في مصر قبل كده، وبطلب منكم، أرجوكم، متخلوش الناس، تعمل حاجات مش حلوة، علشان بدخل على اليوتيوب يوميًا ألاقى خبر وفاتى، وأخبار صعبة عنى جدًا لغاية إمبارح، وأن الكلام ده ممكن يأثر عليا جدًا، ويأثر على كل الناس اللى حواليا، وليه الكلام ده، وحرام عليكوا"

 

ومن المقرر أن تخضع حورية فرغلى إلى العملية الجراحية الثانية في "الأنف" الي تصحح شكل المناخير وعودتها لوضعها الطبيعي غدًا الإثنين 1 مارس، وذلك بعد 20 يومًا من إجراء العملية الجراحية الأولى التي خضعت لها في إحدى مستشفيات ولاية شيكاغو الأمريكية.