عمرو أديب: “مش بدوّر على التريند.. عملت كل حاجة في الإعلام ومش ندمان”.. فيديو
في حديث صريح على الهواء، خرج الإعلامي عمرو أديب عن المألوف ليؤكد أنه لا يسعى وراء “التريند”، مشيرًا إلى أن هدفه الأساسي من برامجه هو مناقشة القضايا الحقيقية في مصر، وتقديم محتوى يضيف للمشاهد لا مجرد إثارة الجدل.
وخلال تقديمه حلقة جديدة من برنامجه "الحكاية"، قال أديب:"أنا خلاص في آخر سنيني أو شهوري في الإعلام، عملت كل حاجة ممكنة، والحمد لله راضي. تحبني أو تكرهني، أنا سجلت أرقام قياسية في عدد ساعات البث. لو في موسوعة جينيس للمذيعين، أكيد اسمي هيبقى موجود هناك".
وأشار إلى أن ما يقدمه في برنامجه ليس بحثًا عن الانتشار أو التريند، وإنما رغبة في توصيل فكرة أو تسليط الضوء على ما يستحق:"كل موضوع بفتحه هدفه طرح فكرة، مش إثارة الجدل. أنا بحاول أكون صوت عاقل وسط دوشة السوشيال ميديا".
واستغل أديب حديثه للتعبير عن فخره بافتتاح المتحف المصري الكبير، مؤكدًا أن مثل هذه الأحداث تستحق الدعم والإشادة:"البلد عملت حاجة عظيمة، ومش معقول نعدي عليها كده. المتحف المصري الكبير إنجاز مش لمصر بس، للعالم كله. أنا وقفت جنبه لأن ده واجب وطني".
وأضاف متأثرًا:"أنا اتربيت على كتب أنيس منصور، وكنت بحلم أزور أماكن توت عنخ آمون اللي قرأت عنها. الجيل الجديد محتاج يعيش نفس الإحساس، يعرف هو جاي منين".
في لفتة إنسانية، تحدث أديب عن الفجوة بين الأجيال قائلاً:“يا جماعة أرحموا جيل الروبلوكس، أدّوا الشباب حاجة يتسندوا عليها. أنا مش عايز أجيال تعيش من غير ما يكون عندها هوية أو انتماء. إحنا بلد عظيمة، عندنا تاريخ لازم نعلمه لولادنا”.
واختتم أديب حديثه مازحًا:“أنا ما بدورش على التريند، عمرو أديب تريند لوحده. بس خلوني أفرح شوية، وبعدها نرجع للنكد كعادتنا”.
