”بناتي شهدوا ضدي”.. انهيار إبراهيم سعيد بعد خروجه من السجن (فيديو)
كشف نجم منتخب مصر والنادي الأهلي والزمالك السابق إبراهيم سعيد عن تفاصيل أزمته الأخيرة التي انتهت بدخوله السجن، مؤكدًا أن السبب في ذلك كان شهادة بناته ضده في المحكمة، وهو ما وصفه بأنه أكبر صدمة تلقاها في حياته.
أنا في ابتلاء.. وبناتي اللي من دمي حبسوني
وظهر إبراهيم سعيد في حالة من الانهيار والبكاء خلال تصريحاته الأخيرة، قائلًا:"أنا في ابتلاء من ربنا، بس اللي صعب عليّا إن بناتي اللي من دمي هم اللي شهدوا ضدي. أنا اللي مطلع لهم بطاقة الرقم القومي.. إزاي يعملوا كده؟".
وتابع بأسى:"جابوا شهود زور وقالوا إني عندي 7 فيلات ومرتب شهري 2 مليون جنيه! لو معايا الفلوس دي، هسجن نفسي ليه؟ أنا سايب لهم فيلا وعربية ومدارس محترمة، وعمري ما أذيتهم".
وكشف سعيد أن بناته كانتا تطالبانه ببيع شقة والدته لتوفير المال، مشيرًا إلى أنه اختار دخول السجن بدلًا من ظلم والدته، وقال:"كانوا طالبين أبيع شقة أمي وأرميها في الشارع علشان ياخدوا فلوسها. أمي كانت هتوافق من كتر حبها لي، بس أنا رفضت".
وعن مشاعره تجاه بناته بعد تلك الواقعة، أكد نجم الكرة السابق:"أنا مش قادر أدعي عليهم، مفيش أب بيدعي على عياله. أنا بس بقول يا رب تهديهم وتسامحهم. اللي حصل ده وجعني، وكنت واثق إن ربنا هيرجع لي حقي".
