شادي شامل يرفض دعوة إيناس الدغيدي لترخيص الدعارة: كده بنفتح الباب للفساد باسم القانون

أثار الفنان شادي شامل الجدل بتعليقه الصريح على تصريحات المخرجة إيناس الدغيدي حول ترخيص بيوت الدعارة كحل للحد من انتشار الظاهرة في الخفاء، وذلك خلال لقائه في برنامج "أوضة ضلمة" على قناة "هي".

شادي شامل: "مش كل حاجة بتحصل في السر نطلّعها للنور"

وردًا على تصريحات إيناس الدغيدي التي قالت إن تقنين الدعارة قد يكون وسيلة للحد من الجرائم، قال شادي شامل:"يمكن هي وجهة نظرها إن الناس اللي بتعمل الغلط في السر، لما يبقى في تقنين، الموضوع يبقى أأمن أو أوضح.. لكن من وجهة نظري، ده مش حل.. ده بيشجع الناس أكتر. بدل ما نحارب الفساد، بنوفر له مساحة يتحرك فيها".

وأضاف:"مش معنى إن حاجة غلط بتحصل في الخفى إننا نقننها.. الصح إننا نحاول نعالج الأسباب اللي بتدفع الناس للطرق دي، مش نسهّلها".

وعند سؤاله عن إمكانية التعاون مع إيناس الدغيدي في عمل فني يتضمن مشاهد جريئة، قال شادي:"حسب الجرأة دي إيه، لأن في الآخر في رقابة.. فأكيد لو الجرأة في حدود المقبول رقابيًا ومش بتتعدى الخطوط الأخلاقية، مش هيبقى عندي مشكلة، لكن لو الجرأة بتروج لفكرة ضد الدين أو الأخلاق، أكيد مش هقبل".

ولم يكن موضوع ترخيص الدعارة هو الوحيد الذي علّق عليه شادي، بل تطرق أيضًا إلى تصريحات الدغيدي حول الجنة والنار، التي قالت إنها مجرد "تخويف للبشر"، ورد على تلك التصريحات، قائلا:"في جنة وفي نار، والثواب والعقاب جزء من إيماننا.. بس عندي يقين إن ربنا بيرحمنا برحمته مش بأعمالنا بس، وإن العذاب موجود لكن عدل ربنا دايمًا مربوط برحمته".

وتحدث عن عذاب القبر من وجهة نظر شخصية:"أنا بفسر عذاب القبر إنه إحساس روحي.. زي لما تنام وتحلم بكابوس يخنقك، أو تحلم بحلم جميل مش عايز تصحى منه.. ده اللي بحسه عن فكرة البرزخ".

من هو شادي شامل؟

شادي شامل اشتهر بعدما جسد شخصية عبد الحليم حافظ في مسلسل "العندليب حكاية شعب" عام 2006، بعد فوزه بمسابقة "العندليب من يكون" التي أُقيمت للبحث عن شبيه العندليب لتقديم دوره في العمل الذي تناول سيرته الذاتية.