شيماء سيف تفاجئ الجمهور بكواليس كوميدية عن حمدي المرغني ويسرا
كشفت الفنانة شيماء سيف عن بعض الأسرار لأول مرة عن النجمة يسرا وزميلها الفنان حمدي المرغني، وذلك خلال استضافتها في برنامج "في البوكس 2".
و بأسلوبها الكوميدي المعتاد، تحدثت شيماء عن علاقتها بحمدي المرغني قائلة: "حمدي شبهنا كلنا، بس هو بيحاول دائماً أن يكون برند، فبنحاول نساعده أنه يقلل الموضوع دا، وبقول له مش دا إللي بيبان على الوجه، كلنا فئائتنا مش برند، سيب بقى البرند لناسه إللي هما مي عمر، درة، ياسمين صبري، إحنا يا بني مش منهم ولا هنكون منهم".
أما عن النجمة يسرا، فوصفت شيماء سيف كيف أنها تتعلم منها الكثير في التعامل مع الزوج في الحياة المهنية، حيث قالت:"في يوم في اللوكيشن عندنا فيه الدنيا بايظة، الأوردر اتضرب زي ما بنقول ومش عارفين نصور، وهي طبعاً بطلة العمل يعني أكتر واحدة متدايقة، وقتها كارتر اتصل عليا، فبرد عليه ازاي، أيوة يا كارتر والنبي سيبني دلوقتي عشان اليوم أسود ومنيل وأنا مش قادرة أتكلم، مع السلامة عشان أنا قاعدة مع يسرا بحاول أهديها".
وتابعت حديثها : يسرا بقى قاعدة بجد متعصبة وعمالها تقول يا جماعة شوفولي حل في الموضوع ده، وفجأة موبايلها يرن، خالد يتصل، فهي تقول هاي دارلينغ، آه يا حبيبي، فطرت، أي لوف يو، أي لوف يو مور، أوك بيبي هخلص وأروح علطول. أنت في السخنة؟ طيب باي يا حبيبي. وترجع فتجيبولي بقى الناس وتشوفوا هنظبط الحلقة دي ازاي.
وختمت حديثها عن يسرا بالقول: دي فنانة قديرة أنا كومبارس جنبها مليش علاقة باللي هي بتعمله ده.
