منة فضالي تكشف عن صدمة مع نهاية العام: إصابة والدتها بالسرطان
فاجأت الفنانة منة فضالي جمهورها بخبر مؤثر عبر حساباتها على مواقع التواصل الاجتماعي مع نهاية عام 2024، حيث أعلنت إصابة والدتها بمرض السرطان، ما أحدث صدمة لدى متابعيها الذين سارعوا للتعبير عن دعمهم والتمني لوالدتها بالشفاء العاجل.
وكتبت منة فضالي رسالة طويلة تحدثت فيها عن الصعوبات التي واجهتها في العام الماضي، وكيف تعلمت أن تتشبث بالأمل وتثق في قدرة الله على تغيير الظروف، قائلة:"سنة كان فيها الحلو والوحش برضو بس دايما بقول الحمدلله على كل حاجة تيجي بس دايما لازم يكون عندنا أمل في الحياه مهما كان اللي بنمر بيه دايما نقول يا رب وربنا كبير ممكن ظروفنا مش شبه بعض وحياة كل شخص غير التاني بس في الآخر كلنا واحد واحنا اللي بنغير وبنختار حياتنا اللي احنا عاوزنها".
وتابعت: "اللي عاوزة أقوله من كل ده إن مفيش حاجة حتتغير غيرنا إحنا.. بنموت وبيتولد غيرنا في مجتمع وتفكير تاني غيرنا نحاول نحمد ربنا علي أي حاجة ربنا مديهالنا أنا بالبنسبالي كانت سنة فيها شغل آه وسفر وحاجات كتير، بس كان فيها أوحش حاجة إن أمي جالها سرطان وعشت فتره صعبة برغم إنها كانت في المستشفي كنت بصور في نفس الوقت ومكنتش بنام يعني في الآخر الحمد لله علي كل شيء".
وواصلت: "كل سنة وأنتم طيبين وسنة سعيدة عليكم يارب وعلى كل أحبابكم وكل اللي نفسه في حاجة تتحقق يا رب شكرًا لكل حد وقف جنبي أو ساعدني من بعيد أو قريب".
وأنهت منة منشورها بأمنياتها لجمهورها بعام مليء بالسعادة والإنجازات، قائلة : "شكرًا لكل الناس اللي اشتغلت معاهم ويا رب دايمًا أكون عند حسن ظنكم في شغلي شكرًا لجمهوري والفانز والإعلاميين وكل الناس اللي بتشجعني دايما".
على الجانب الأخر، تشارك منة فضالي في رمضان 2025 بمسلسل "سيد الناس" وهو من تأليف وإخراج محمد سامي وإنتاج صادق الصباح، وبطولة عمرو سعد، خالد الصاوي، إلهام شاهين، عماد زيادة، بشرى، وأحمد رزق.
