مروة صبري توجه رسالة لشيرين عبد الوهاب بعد واقعة الابتزاز الإلكتروني: محتاجة تهتمي ببناتك شوية

وجهت الإعلامية مروة صبري رسالة خاصة للنجمة شيرين عبد الوهاب بعد واقعة الابتزاز الإلكتروني التي تعرضت لها ابنتها هنا.

وخلال تقديمها برنامج "قعدة ستات" عبر قناة ألفا، وقالت مروة صبري: "أول حاجة جت في بالي بعد ما شوفت الخبر ده ليه هنا مراحتش حكت الكلام ده لمامتها أقرب حد لها".

وتابعت: "شيرين محتاجة تهتم ببناتها شوية، البنت دي عاشت مشاكل أمها، وبقت لما يحصل لها مشكلة متروحش تقول لمامتها. إيه اللي يوصل هنا تروح تحكي لواحدة صاحبتها، وربنا بيحبها إن صاحبتها عرفت تتصرف".

واختتمت: "شيرين لازم تحتضن بناتها أكتر من كده. بنتك محترمة وجميلة ومتربية تربية حلوة، لكن فكرة إنها لما تقع في مشكلة تفضل تنتحر عن إنها تحكيلك دي الكارثة".

الجدير بالذكر أن محكمة جنايات المنصورة، قضت بحبس المتهم " شريف. خ. ال. م" لمدة 3 سنوات، والذي قام بإبتزاز "هنا" ابنه النجمة شيرين عبد الوهاب مقابل عدم نشر بعض الفيديوهات والصور الخاصة بها.