حرب كلامية بين ويجز ورامي صبري .. ومعني الراب يتساءل: امتى هتتكلم عن بتوع البوب اللي أنت منهم

اندلعت "حرب كلامية" بين مغني الراب ويجز و الفنان رامي صبري، على خلفية تصريحات الأخير بشأن موسيقى الراب والمهرجانات خلال لقائه ببرنامج "حبر سري" الذي تقدمه الإعلامية أسما إبراهيم.

ويجز يشن هجوما عنيفا على رامي صبري

و قال ويجز في فيديو من خلال خاصية القصص القصير بحسابه عبر"انستجرام":هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان دا اسمه رامي والفنان دا كل ما بيقعد من 4 لـ 5 شهور يزهق ويطلع يتكلم على بتوع الراب في التليفزيون.

وتابع: هتكلم امتى على بتوع البوب اللي أنت منهم واللي في مجالك أنا شايف مبتفهمش في الراب حاجة زى ما أنت قولت قبل كدة ومش هتعرف تعمله، أنا راجل لو لقيت حد بيعرف يسوق عجلة وأنا ما بعرفش، بحترمه لأنه اشتغل على نفسه في حاجة أنا ما اشتغلتش عليها.

وواصل: وأنت كدة مبتقدرش الفنانين وفاكر أن هما عايزين يوصلولك وهما اصلا معدينك بكتير أنت رقم 19 مثلا يا رامي أنت بعيد أوي.

واختتم حديثه بالإعلان عن أغنيته الجديدة المنتظرة في السابع والعشرين من الشهر الحالي، ساخراً: استنوا الأغنية الجديدة، ورامي ممكن يشرح لنا الأغنية دي بعد ما تنزل لو فهمها.

وكان رامي صبري تحدث خلال لقائه في برنامج "حبر سري" عن المهرجانات والراب قائلاً: "المهرجان مش بيتغنى... حلو والناس بتحبه وأنا ساعات بسمعه، لكن مش هو اللون اللي ممكن أغنيه".

وأضاف: أوافق أن أشارك في عمل غنائي ثنائي راب مع مروان بابلو وويجز، مؤكدًا أن ويجز مجتهد وفرض نجاحه وأغانيه معروفه، وجميع مطربي الراب نجحوا وليس هناك أي شخص ضد النجاح.

وأوضح :ويجز شاطر ومجتهد وفرض نجاحه، وأغانيه معروفة، وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها.