فركش ”إش إش”.. الانتهاء من تصوير مسلسل ميّ عمر 2025

أعلنت الفنانة مي عمر، انتهاء تصوير جميع مشاهد مسلسلها الجديد "إش إش"، والذي من المقرر أن يشارك ضمن مسلسلات رمضان 2025.

نشرت مي عمر عبر حسابها الخاص على "إنستجرام" مقطع فيديو من كواليس آخر يوم تصوير لمسلسلها الرمضاني "إش إش" ظهرت فيه برفقة زوجها مخرج العمل محمد سامي، والفريق يهتف بكلمة "فركش".

وعلقت مي عمر على الفيديو كاتبه: "حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح. حبيت كل لحظة قضيتها وأنا بجسدها، وحاسة إن جزء مني هيفضل معاها دايمًا، وهيوحشني كل تفصيلة فيها بجد".

وأضافت: "شكرًا لكل فرد من فريق العمل اللي اشتغل بإخلاص عشان يطلع العمل ده بأحسن شكل.. فريق العمل في "إش إش"، كان سر نجاح كواليس التجربة دي. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل".

وتابعت: بجد، ما حسيتش إني لوحدي لحظة، كلنا كنا إيد واحدة، ودايمًا بنسند بعض.. شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم".

مي عمر لزوجها محمد سامي: خلّيت "إش إش" تجربة ما تتنسيش

وحرصت مي على توجيه رسالة إلى زوجها مخرج العمل محمد سامي، قائلة: "شكرًا ليك على صبرك وعلى نظرتك اللي كانت دايمًا بتشوف التفاصيل اللي ما حدش غيرك كان ممكن يلاحظها، وشكرًا إنك بتعرف إزاي تخرج مننا أفضل ما عندنا، وعلى إبداعك وتوجيهك في كل مشهد.. شكرًا إنك كنت قائد حقيقي لينا وخلّيت "إش إش" يبقى تجربة ما تتنسيش".

واتمت: "منتظرة بفارغ الصبر تشوفوا "إش إش"، وأتمنى توصل ليكم مشاعرنا بنفس القوة اللي حسيناها.. شكراً لكل واحد كان جزء من الحلم ده! وبوعد الجمهور إن شاء الله هيتفرجوا على مسلسل متعوب على كل شوط فيه.. مسلسل "إش إش" بإذن الله هيكون مسلسل بيحترم ذوق الجمهور".

أبطال مسلسل "إش إش"

يُذكر أن مسلسل "إش إش" من بطولة مي عمر، ماجد المصري، هالة صدقي، إدوارد، انتصار، دينا، شيماء سيف، علاء مرسي ومن تأليف وإخراج محمد سامي.