” التفكير فيهم مش بيهدى”.. إيمي سمير غانم تتذكر والديها بـ كلمات مؤثرة
كتبت الفنانة إيمي سمير غانم، عبر حسابها الرسمي بموقع التواصل الاجتماعي "إنستجرام"، كلمات مؤثرة تذكرت من خلالها والديها.
ونشرت إيمي سمير غانم صورة لدلال عبد العزيز وسمير غانم ، وعلقت كاتبه: "كل شوية أقول أمتى أشوفكم، بجد الفراق فعلا من أصعب الحاجات اللي بنحس بيها، ربنا يصبر كل اللي حاسس بيا، بكون عايزه أحكي لهم بشوف إيه في حياتي ومين مزعلني ويشوفوا ابني، تفاصيل كتير وطبعا الحياة لازم تستمر والكلام اللي إنتوا عارفينوا ده، ونشتغل و نربي أولادنا ونضحك نعيش أيامنا بس التفكير فيهم مش بيهدى".
ووجهت إيمي في رسالتها نصيحة لجمهورها: "نصيحة مني لكل ولد وبنت ربنا يخلي لكم باباكم ومامتكم تفضلوا تحت رجليهم كل يوم، مش مهم الأصحاب مش مهم السفر مش مهم غير أنهم يكونوا هما وأولادكم كل يوم معاكم، وربنا يصبر كل الناس… الفاتحة وربنا يغفر لهم ويجمعنا بيهم في الجنة".
وعلى الجانب الآخر، تستعد إيمي سمير غانم للعودة إلى الساحة الفنية من خلال مسلسل رمضاني سيعرض الموسم المقبل، وتعاون فيه مع زوجها الفنان حسن الرداد وهو من تأليف أحمد سعد والي.
الجدير بالذكر أن إيمي سمير غانم شاركت مؤخرا في مسرحية التلفزيون والتي عرضت في مهرجان العلمين الساحل الشمالين وشاركها البطولة حسن الرداد، أوس أوس، محمود حافظ، سليمان عيد، وبدرية طلبة، ومن تأليف أحمد سعد والي وإبراهيم صابر ومحمد خطاب والإخراج لـ محمد الصغير.
