فيديو.. أحمد سعد يعلن رسميا عودته لطليقته علياء بسيوني: ”احنا في فترة خطوبة”

أعلن الفنان أحمد سعد رسميا عودته لطليقته علياء بسيوني .

وشارك أحمد سعد جمهوره على حسابه بـ "إنستجرام" فيديو من حفلته في الساحل الشمالي ضمن احتفالات اليوم الوطني السعودي الـ94.

وظهر أحمد سعد في الفيديو وهو يتحدث ، قائلا: "في يوم جميل زي ده طبعا أنا كنت متجوز من سنتين وعندي عيلين، فين بس مراتي اللي هي دلوقتي بقيت خطيبتي، إحنا اتطلقنا يعني بس قررنا قرار أنا حبيت أقوله قدامكم إن إحنا نعمل فترة خطوبة حتى العيال تحضرها بالمرة".

وتابع: "هي موجودة معانا سقفولها يا جماعة عشان إحنا بنبتدي حياة جديدة، دي رسالة لكل الناس اللي اتطلقت أو لسه هتطلق واللي هيتجوزوا يدوا نفسهم فرصة بعيد عن أي مشاكل أو أي حاجة ويبتدوا حياة جديدة مفيهاش أي حاجة وحشه ولا حلوة يبقوا مع بعض وخلاص".

وكان أول ظهور لـ أحمد سعد مع طليقته علياء بسيوني بعد عودتهما في حفل زفاف نجل الإعلامية بسمة وهبة، الذي أقيم أول أمس الجمعة في إيطاليا.

أخر أعمال أحمد سعد

الجدير بالذكر أن أخر أعمال أحمد سعد أغنية كبرتوا الموضوع ليه من مسلسل ديبو، وجاءت الأغنية من كلمات منة عدلي القيعي، وألحان أحمد طارق يحيى.