تامر حسني يرد على اعتذار شذى : ولا يهمك يا أوزه المسامح كريم
رد النجم تامر حسني، على اعتذار الفنانة شذى له، بعد تصريحاته الأخيرة في برنامج "أنا سعيد"، الذي يقدمه الإعلامي سعيد جميل، عبر قناة "القاهر والناس".
وكتب تامر حسني تعليقا على الصورة التي نشرتها شذى عبر حسابها على "إنستجرام" واعتذرت من خلالها له: "ولا يهمك يا أوزه كفاية إنك كتبتي الكلام الجميل ده ربنا يوفقك ويسعد قلبك يارب المسامح كريم".
وعلى الفور، ردت شذى على تعليق تامر حسني كاتبه: "روح قلب أوزه تستاهل كل حاجه حلوة والله يا أبو قلب أبيض وحلو زيك".
وكانت شذى كتبت لتامر حسني في اعتذارها: من غير ما أفكر وأحاول أرتب الكلام أنت أكتر واحد في العالم عارف حبي ليك قد إيه وأكتر واحد برضه عارفني وعارف إني على الله حكايتي ودماغي بتسوحني كتير.
وتابعت: حقك عليا ودايما العتاب بيكون على قد الغلاوة وعلشان غلاوتك كتير هبّت معايا زيادة متزعلش مني وهتفضل صاحب عمري اللي عدينا مع بعض كتير الوحش قبل الحلو.
وجاء سبب اعتذار شذى لتامر حسني تضريحاتها التي ادلت بها فيبرنامج "أنا سعيد"، حيث قالت : "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر".
وأضافت: "على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا".
