” موتوني 4 مرات ”.. خالد الصاوي يعلق على خبر ”وفاته”
انتشرت خلال الساعات الماضية على مواقع التواصل الاجتماعي أخبار عن وفاة الفنان خالد الصاوي، وهو ما اضطره للخروج لطمأنة جمهوره عليه بطريقة طريفة.
وقال خالد الصاوي في فيديونشره عبر حسابه على "إنستجرام": "سلام عليكم أزيكم يا أحبائي، أنا سمعت إن أنا مت امبارح فجيت اطمن خير في حاجة كده ولا إيه، على العموم أنا موتوني 4 مرات في 3 أو 4 سنين وأحيانا قالوا أن أنا أولادي ماتوا، اللهم ما احفظنا طبعا بس أنا معنديش أولاد".
وتابع: "أحب أوضح بعض النقاط الناس دي مش هنقول نواياها إيه لما بتعمل إشاعة أكيد عندك غرض ولا إنت بلا شخصية واللي بتسمعه بتحطه على النت على طول، طب إنت مش عارف أن دا ممكن يبقى تأثيره بايخ على الأهالي، ما علينا أول حاجة الشخص اللي يعمل كده دا شخص كاذب نعمل إيه بقى عشان هو أساسا عايز اللايكات، نطلع كلنا من البروفايل بتاعه وننبه الآخرين".
واتم : "وأؤكد أن أنا في الحاجات الضرورية جدا والحساسة لازم أطلع وأؤكد أو أنفي الحاجة وثقوا يا جماعة أن أنا لو مت هكون أول واحد يطلع ويقول".
