محمد العدل يعلن تأجيل عرض ”الملحد”.. ويعلق : الفيلم لا يشوه الدين الإسلامي

أعلن المخرج محمد العدل تأجيل عرض فيلم "الملحد"، لأسباب غير معلنة حتى الأن.

و كتب محمد العدل في منشور عبر حسابه بموقع التواصل الاجتماعي "فيسبوك": " بعتذر لكل اصدقائي اللي عزمتهم علي العرض الخاص لفيلم الملحد .. العرض مش هيتعمل في ميعاده.. و الفيلم مش هينزل في ميعاده .. و الحقيقة معرفش ليه … الاجابة عند السيد الرقيب علي المصنفات الفنية".

وأضاف " الفيلم جاهز للعرض .. و انتهت جميع مراحله من مونتاج و مكساج و تصحيح الوان و الرقابه اديتله ترخيص بالعرض بعد شهور من المشاهدات .. بل وصل الامر اني نزلت صورت مشهد مضاف و المنتج احمد السبكي صرف كتير علي دعاية الفيلم في الشوارع بناءا علي هذا الترخيص .. ورجع شال الدعاية تاني للاسف و دي خسارة فادحة و ده ينفي تماما الهراء بتاع اصل الصناع بيعملوا دعاية رخيصة للفيلم".

وتابع: و مرفق مع البوست صورة الترخيص و صورة اجازة الرقابه للسيناريو .. اللي لاول مرة الرقابه تكتب في الورقة الاخيرة للسيناريو ما يشبه الشكر و التوضيح .. و ده نص ما كتب علي الورقة الاخيرة.

واختتم: ( الفيلم لا يشوه الدين الاسلامي قط بل يكشف الحجاب عن بعض الذين يفسرون الاسلام علي اهوائهم )الفكرة هتوصل هتوصل بإذن الله عاجلا او اجلا.

الجدير بالذكر أن فيلم "الملحد" من بطولة أحمد حاتم، محمود حميدة، صابرين، شيرين رضا، تارا عماد وغيرهم ومن إخراج محمد العدل وتأليف إبراهيم عيسى.