القبض على عصام صاصا في مطار القاهرة و ترحيله لمديرية أمن الجيزة

ألقت الأجهزة الأمنية المصرية، صباح اليوم السبت، القبض على عصام صاصا، مطرب المهرجانات، فور وصوله إلى مطار القاهرة، بسبب إدراجه على قوائم الترقب والوصول لإدانته في قضايا تعاطي مخدرات ودهس شخص.

وتم ترحيله إلى مديرية أمن الجيزة فور القبض عليه، لحضوره جلسة غدا الأحد التي تنعقد في مجمع محاكم "زينهم" بتهمة تعاطي المواد المخدرة.

وكان عصام صاصا ألقي القبض عليه بتهمة دهس شخص أعلى دائري المنيب، وأخلت النيابة العامة سبيله بكفالة مالية قدرها 30 ألف جنيه على ذمة القضية.

وقبل ساعات من القبض عليه، تحدث عصام صاصا مع جمهوره عبر حسابه بموقع التواصل الاجتماعي "انستجرام"، حيث قال في فيديو: "أنا دلوقتي نازل بلدي وممكن يكون الفيديو دا آخر فيديو تشوفوه ممكن أتاخد في المطار، أنا عايز أفهم الناس إيه اللي حصل معايا بالظبط وإيه اللي أنا فيه لأن الناس مش فاهمة حاجة وبتدخل تقول كلام محصلش".

وتابع: "أنا كنت راجع من شغلي ومصحف ربنا وربنا شاهد على كلامي رايح أجيب ابني عشان هعمل عقيقة أفرح بيه، وأنا راجع في نص الدائري في بنزينة هناك وفي طلعة أكتوبر وأنا ماسك نص الدائري عشان دا طريقي، الله يرحمه ويحسن إليه وينور له قبره ويبارك في عياله أنا مخبطوش من الرصيف زي ما الناس بتقول مش همشي أخبط في الرصيف الخبطة على الشمال مش اليمين، وفي راجل ربنا بعته ليا لا يعرفني ولا أعرفه طلع حكى نفس الكلام اللي أنا بقوله ربنا يعلم أنا كنت حاسس بإيه ساعتها وعملت إيه لأجل الناس دي".

وأضاف: "أنا مكنتش حابب أرد وسايب كله يتكلم لكن دلوقتي ممكن أتزل ومتشوفونيش تاني وبسبب الكلام دا بقى عليا قضايا تانية مع أن أنا غلبان، أنا محتاج دعمكم ومحتاج كل اللي بيحبني وزي ما أنا فرحتهم أنهم يدعولي محتاج كل دعوة من أي حد وأنكم تفهموا إني عمري ما أكون البني آدم اللي يدوس على الناس بفلوسه لأني شفت حاجات تخليني مبقاش كده ولا عندي الفلوس اللي تخليني أدوس على الناس، أنا راضي بقضاء ربنا وواثق في القضاء المصري وأيا كان الحكم إيه وأن القضاء المصري عمره ما يظلم حد".