الجواز العرفي كويس و مش عايز أخلف عشان انفصل بسهولة.. عمر كمال يثير الجدل بتصريحاته الأخيرة
أثار المطرب عمر كمال، جدلاً كبيراً بسبب تصريحاته الإعلامية الأخيرة والتي تحدث فيها عن موقفه من الزواج وتكوين أسرة.
وقال عمر كمال خلال لقاء له ببرنامج حد النجوم مع الإعلامية سالي عبد السلام، عبر شاشة تلفزيون قناة الأولى المصرية: حبيت مرتين ومنجحتش وانتهت كل القصص عادي، والزواج العرفي كويس لأن الناس بتدخل في كل حاجة بتبوظها، والعلاقات على النت كتير.
وتابع: وأنا عايز أتجوز بس ميكونش عندي عيال، لأن الخلفة مسئولية تقيلة ووجع قلب ومش هعرف أربي، أنا مش فاضي أربي و هبقى أب حنين أوي ومش هعرف أخد موقف، أنا بدلع ولاد إخواتي زيادة عن اللزوم.
وأضاف: أنا مش عايز أخلف عشان لو حبيت انفصل انفصل بسهولة، أنا إنسان مزاجي والشغل بيتحكم في مزاجي جدا وكل يوم بصحى بحال وممكن أغنية أكون منزلها ومتنجحش يبقى مزاجي زي الزفت، وممكن أزعق وأكسر المكان.
الجدير بالذكر أن أخر أعمال عمر كمال أغنية قطر جيلك من كلمات مصطفى الجن، ألحان منعم، توزيع إسلام ساسو، وإخراج حسام مجدي.
