إليسا تكشف عن رأيها في المساكنة و ترفض فكرة الزوجة الثانية
كشفت الفنانة اللبنانية إليسا عن رأيها في ما يسمى المساكنة، و وهل من الممكن أن تقبل أن تكون زوجة ثانية، وذلك خلال لقاء ببرنامج "بيت السعد" الذي يقدمه الفنانان أحمد سعد وعمرو سعد.
وقالت إليسا : “أنا مش ضد المساكنة، لكن معملتهاش المجتمع حوالينا شايفها حاجة غلط لأننا هنا في مجتمع شرقي لكن في أمريكا القانون بيقول كده ودا الطبيعي، وأنا بشوف نسبة الطلاق عالية بسبب إن الكابلز مش بيعيشوا مع بعض و ميعرفوش بعض قبل الجواز”.
ورد عمرو سعد على تعلق إليسا عن المساكنة قائلا: “أنا ضد الموضوع ده تماما، أني أجيب بنت تقعد مع ولد عنده 16 سنة دي قلة أدب، لأن أكتر حد بيتأذي في الحاجات دي هي البنات، حتى في أوروبا البنات بتتبهدل بسبب العلاقة دي”.
وعن رأيها في الزوجة الثانية، قالت: “موضوع الزوجة التانية بيظلم الست إلا في ظروف معينة.. الدين الإسلامي محلل زواج 4 لكن في الجيل الجديد الموضوع أصبح قليل، وأنا مع إن الراجل يتجوز تاني لو مراته مش بتخلف لكن ميسيبهاش”.
وتابعت :“دخلت علاقة مع شخص مسلم وكان متجوز واضطريت أسيبه عشان مكنتش هقدر أبني سعادتي على سعادة حد تاني.. وأنا مقبلش أتجوز راجل عنده ست أنا بشوف نفسي مميزة ولما أحب أتجوز هتجوز واحد ميشوفش غيري”.
يُذكر أن برنامج "بيت السعد" يعرض على قناة MBC 1 في الحادية عشر مساء من كل أربعاء، ويعاد على شاشة "MBC مصر" يوم السبت الساعة 9 مساءً .
