هجوم شرس من ميدو على وليد دعبس بعد تصريحاته عن أحمد رفعت.. ماذا قال؟

شن أحمد حسام ميدو، نجم الزمالك السابق، هجومًا حادا على وليد دعبس، رئيس نادي مودرن سبوت بعد تصريحاته الأخيرة عن الراحل أحمد رفعت.

و كتب ميدو عبر حسابه الرسمي"أكس" تويتر سابقًا: "احلى حاجه ان نادي مودرن طلع بيان الصبح انه مانع اي حد يتكلم عن الموضوع لحين انتهاء التحقيقات ورئيس النادي عمل مداخلة بالليل ٤٨ دقيقة".

تابع:"أنا بصراحة فخور ان عندنا إعلاميين في مصر متعلمين ورجاله زي هاني حتحوت و إبراهيم فايق نتفق نختلف مع أسلوب اي منهم بس الاتنين دارسين اعلام ومثقفين والاهم انهم رجاله ما بيخافوش ..الإعلاميين اللي زيهم هم أمل مصر في العودة إلى سابق عهدها في الكورة..".

وأضاف: وليد دعبس رجل غير مؤهل لتقلد اي منصب وغير مؤهل للحديث في الاعلام حتى لو طالع يتكلم عن فايدة المشبك وليه دمياط بتشتهر بيه!! مداخلته التليفزيونية مع حتحوت اثبتت انه راجل خفيف!! ومداخلته مع شبانه قبلها بيوم اثبتت انه راجل ماعندوش ضمير..اللي يرمي كلام ويلمح تلميحات على بني ادم لسه متوفي بهذا الشكل علشان يتوه الحقيقة يبقى رجل لا يستحق انك حتى تبص في وشه او تضيع وقتك معاه.

واختتم تدويناته كاتبًا: فين النائب العام؟ مستني ايه علشان تستدعي اللي تتسببوا في وفاة أحمد رفعت الله يرحمه مستني ايه؟.