ما سر فقدان شيماء سيف 50 كيلو من وزنها ؟

حلّت الفنانة شيماء سيف ضيفة على برنامج "كلام الناس" الذي تقدمه ياسمين عز عبر شاشة "MBC مصر" وتحدثت في اللقاء عن وزنها الذي خسرته.

وقالت شيماء سيف: "بدون سابق إنذار لقيت رجلي فجأة مبتتحركش وروحت للدكاترة وعملت أشعة الدكتور قال لي لازم أعمل تغيير مفصل".

وتابعت: " ولما روحت اللوكيشن كان عندي تصوير يسرا شافتني مش كويسه وفضلت تتحايل عليا احكيلها ولما عرفت قالت لي ولا يهمك هنروح لدكتور غيره ولما روحت قال لي حملتي على رجلك وزن واحدة عندها 80 سنة ".

شيماء سيف تخضع لعملية تكميم معدة

وأضافت:" ومن هنا خدت قرار إني لازم أعمل العملية وأخس ومي كساب زنت عليا إني أعمل عملية تكميم هي عملتها واللي عملها بعد ما بيخس ويحس إنه خفيف، وبيحب حد بيقول له عشان يحس الإحساس دا، وكانت بتطمني، وقد كانت، شكت دبوس".

وواصلت: العملية حاجة بتساعدك، أول شهر انت مابتكلش، وبعدها انت بتتعود إنك مابتاكلش، بس لما بتشوف الأكل بتحس إنك عايزه، بس أنا دلوقتي بجد لما تعبت ولقيت نفسي كدة، بقيت بقرف لما أشوف حد بياكل.

واتمت: أول ما عملت العملية نزلت 20 كيلو، وبعدها بقى 6 كيلو وحاجات كدة، واحساس انك تنزلي من 3 أرقام على الميزان لرقيم، نزلت 50 كيلو لحد دلوقتي.