الأموال
الجمعة 4 يوليو 2025 01:32 صـ 7 محرّم 1447 هـ
الأموال رئيس مجلس الإدارة ورئيس التحريرماجد علي

فنون

العسيلي: ابني حافظ كل أغاني عصام صاصا وهو رقم واحد على كل المنصات

محمود العسيلي
محمود العسيلي

كشف المطرب محمود العسيلي عن أزمته مع مغني المهرجانات عصام صاصا، وذلك خلال ظهوره مع الإعلامية منى عبد الوهاب ببرنامج "ع المسرح" على قناة الحياة.

وقال العسيلي: "في واحد أنا قولت إنه رقم واحد على كل المنصات لكن أنا فعلًا معرفش هو بيغني ايه وانا ابني بيحبه جدًا وحافظ كل أغانيه، لكن أنا عمري ماسمعته ومش تقليل منه ولو بقلل منه مش هقول إنه رقم واحد على كل المنصات ودا بجد وكل الجيل الصغير بمختلف الطبقات بيسمعه وبيسمعه الناس اللي شبهه وميعرفوش أغانينا احنا، والمطرب ده هو عصام صاصا".

وتابع موضحًا وجهة نظره: "أنا بتكلم على لون معين بيبقى مبني على الفرقعة و تريند ونجاح لحظي وبعد كده بيختفي، المهرجانات لون جديد ومصري أصيل وحاجه بتاعتنا وبتاعت الشارع أوي، الفكرة فيها إن المغني لو فضل يكرر نفس اللي بيقوله بنفس الطريقه هيختفي فضروري يدور على أفكار مختلفة وحاجات جديدة عشان يحافظ على فنه والراب نفس الكلام اللي هيقدر يكمل هو المختلف".

وأضاف: "وأغاني صاصا رقم واحد على كل المنصات وبقوله أنت ناجح جدا وابني بجد بيحبك وبيسمعك هو وكل أصحابه، وأنت فعلاً رقم واحد ودي حاجه مننكرهاش، ومفيش أي تقليل احترام لـ مطربي المهرجانات، بحب الفنان حسن شاكوش جدا ومؤمن بموهبته وعارف أنه جامد جدا، وبالعكس شجعته لما قابلته وطلبت منه يركز في شغله أكتر ونجاحه بأنه يظهر بحاجات مختلفة تكسر الدنيا".

رد عصام صاصا على تصريح محمود العسيلي

وكان عصام صاصا رد على تصريحات محمود العسيلي خلال لقائه في برنامج أسرار، حيث قال: "مزعلتش منه لكن مفرقش معايا إنه ميعرفنيش، هو كان عايز ياخد اللقطة بس انت المفروض حد كبير وليك قيمتك متتكلمش عن حد متعرفوش، وهو أكيد عارف اسمي لأنه قبل ما يطلع البرنامج بيومين كنا موجودين في حفلة حسن شاكوش وكان قاعد على الترابيزة اللي جنبي وحسن شاكوش كان بيحييني وبيحيه فأكيد عرف إني مطرب زيي زيه".

آخر أعمال العسيلي

يذكر أن أخر أعمال محمود العسيلي، أغنية عيني شايفة فيكي وهي من كلمات تامر حسين، ألحان محمود العسيلي، توزيع أمين نبيل، وهي بالذكاء الاصطناعي.

أسعار العملات

متوسط أسعار السوق بالجنيه المصرى02 يوليو 2025

العملة شراء بيع
دولار أمريكى 49.2937 49.3937
يورو 57.9891 58.1166
جنيه إسترلينى 67.5718 67.7287
فرنك سويسرى 62.1846 62.3186
100 ين يابانى 34.2341 34.3083
ريال سعودى 13.1439 13.1713
دينار كويتى 161.4758 161.8829
درهم اماراتى 13.4195 13.4485
اليوان الصينى 6.8760 6.8905

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5303 جنيه 5280 جنيه $106.95
سعر ذهب 22 4861 جنيه 4840 جنيه $98.04
سعر ذهب 21 4640 جنيه 4620 جنيه $93.58
سعر ذهب 18 3977 جنيه 3960 جنيه $80.22
سعر ذهب 14 3093 جنيه 3080 جنيه $62.39
سعر ذهب 12 2651 جنيه 2640 جنيه $53.48
سعر الأونصة 164937 جنيه 164226 جنيه $3326.65
الجنيه الذهب 37120 جنيه 36960 جنيه $748.68
الأونصة بالدولار 3326.65 دولار
سعر الذهب بمحلات الصاغة تختلف بين منطقة وأخرى