”الغلط كان من عندي”.. مسلم يعود إلى خطيبته بعد إعلان انفصالهما

عاد مطرب المهرجانات مسلم إلى خطيبته السابقة يارا بعدما أعلن انفصالهما في مارس الماضي.

وقال مسلم في تصريحات لبرنامج "أسرار" ، الذي تقدمه الإعلامية أمير بدر على شاشة "النهار": "إحنا رجعنا لبعض لكن محبناش نقول، علشان الناس ممكن تفتكرها لقطة وتريند".

وعن سبب فسخ الخطوبة:"الغلط كان من عندي أنا الأول، اتقمصت وزعلت في موقف، لكن في عز ما أنا غلطان هي صالحتني".

وأضاف: ده تسرع مني وأنا اللي نزلت اننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم اني عرفت للناس تفاصيل حياتي الشخصية بس اتعلمت، وأنا بني ادم عايز احب واعمل اسرة وحياة.

وكان مسلم احتفل بخطبته في قصر البارون في شهر فبراير الماضي، ونشر مجموعة من الصور الرسمية للخطوبة، عبر حسابه على "إنستجرام" وعلق كاتبا: "انهاردا بجد عرفت ان نهاية 2023 اجمل نهاية بالنسبة لي ‏وأصبحت أجمل انسانه في حياتي اللي ربنا كرمني بيها بعد تعب كبير ومشاكل كتير في حياتي بحبك جدا وربنا ياخليكي ليا ونفضل سند لي بعض وضهر جامد يا اجمل يارا".

وبعد خطوبة دامت لأسبوعين فقط، أعلن مسلم انفصاله عن خطيبته عبر خاصية استوري على حسابه الرسمي بموقع تبادل الصور والفيديوهات القصيرة إنستجرام، حيث كتب: خلصت يا جماعة.