الأموال
الإثنين، 15 أبريل 2024 11:36 مـ
  • hdb
6 شوال 1445
15 أبريل 2024
بنك القاهرة
CIB
الأموال

رئيس مجلس الإدارة ورئيس التحريرماجد علي

فنون

أيتن عامر : تجربة الطلاق من أبشع التجارب اللي ممكن ست تمر بيها

أيتن عامر
أيتن عامر

كشفت الفنانة أيتن عامر عن تفاصيل خاصة بطليقها وعلاقتها بطليقها محمد عز العرب.

وقالت أيتن عامر خلال حلقتها ببرنامج العرافة مع الإعلامية بسمة وهبة: فيه رجالة مش محترمة كتير وانا لو ست مش محترمة أطلع أسرار علاقتي بطليقي برة، والست اللي تقول حاجة وحشة عن طليقها بعد الانفصال ست مش محترمة.

وعن خلافتها مع طليقها داخل الكومباوند، أوضحت : الأمن الخاص بالكومباوند هو اللي بلغ عن طليقي أما سمعوا الخناقة مش انا ولو عايزين تعرفوا التفاصيل اسألوهم، أنا مبلغتش النجدة، أمن الكومباوند هو اللي اتصل بيهم وأي خبر انكتب عني مش صحيحة ومش لازم ناخدها على محمل الجد كلنا عارفين أنه فيه مواقع بتكتب حاجات محرفة عشان تلم مشاهدات وقرءات.

وتابعت: أي اتنين بينفصلوا بيكون في بينهم خلافات ولكن في مواقع كتير بتحرف الموضوع، مبحبش مشاكلي ومشاكل بيتي تبقى موجودة للعلن لأن دي مساحتي الشخصية ليا ولأولادي، واتنازلت عن قضيتي ضد محمد عز العرب لأن انا وأبو اولادي مش هنقف قدام بعض في المحكمة.

وأضافت: في بيني وبين طليقي احترام، طليقي راجل كويس وكان نفسي الناس تعمل معانا زي ما عملوا مع ياسمين وأحمد العوضي ويقولوا ملناش دعوة بسبب طلاقهم بس هما عشان مش بيحبوه هاجموه.

واتمت: وتجربة الطلاق دي من أبشع التجارب اللي ممكن ست تمر بيها في حياتها، والست ممكن تنور بعد الطلاق بس مش عشان اتطلقت، هي كانت منورة من قبل كدة بس يمكن كان عندها حتة اُستنزفت ورجعت نورت تاني، لكن عموما الطلاق مش حاجة كويسة ومش سهلة وتجربة صعبة.

مصر للطيران
أيتن عامر
بنك الاسكان
NBE