لقاء الخميسي تثير الجدل من جديد: مفيش فروق بين الأديان.. وصليت مع أمي في الكنيسة

قالت الفنانة لقاء الخميسي إنها لا ترى فروق بين الديانات، مشيرة إلى أنها قرأت في تاريخ الإديان كثيرًا.

وأضافت لقاء الخميسي خلال حوارها مع الإعلامية أميرة بدر في برنامج "أسرار" المذاع عبر قناة النهار: "أنا مسلمة وأبويا مسلم لكن أمي مسيحية، ومعنى كلمة مسلمة أني أسلمت قلبي لـ الله، كل واحد جواه ربنا، شايف ربنا إزاي ومعتنق ديانة إيه دي تخص كل واحد متخصش حد تاني، وأنا شايفة أن كل الأديان بتعرف ربنا".

وتابعت: " ووالدتي مسيحية، وعمرها ما دخلتنا في القصة دي، بالعكس كانت تصوم معانا في رمضان وهي غير مضطرة، وتصحينا نصلي الفجر".

وواصلت : "روحت مع أمي مرات كتير جدًا الكنسية وصليت، وهي نفس الصلاة لكن الطقوس مختلفة، والمسلم زي المسيحي زي اليهودي، والناس مش شايفة كده وكل واحد عنده أفكاره، أنا قرأت في التاريخ والدين كتير جدًا".

واستكملت: "مفيش فروق بين الأديان هو نفس الكلام، احنا محتاجين نعرف ربنا، احنا جزء من ربنا، مش بيقولك ونفخنا فيه من روحنا؟ الطبيعي نطلع مسلمين يعني أسلمنا قلبنا بـ الإله، يبقى كلنا زي بعض".

آخر أعمال لقاء الخميسي

يذكر أن آخر أعمال لقاء الخميسي، مسلسل"إجازة مفتوحة"، يتكون من الـ40 حلقة، بطولة شريف منير، وسميحة أيوب، وملك قورة، ونور محمود، ودنيا ماهر، ومراد مكرم، وكريم أبوزيد، وهشام إسماعيل، وهدى مجد، وصبا الرافعي، وألفت عمر، ومحمد العمروسي، وأحمد زكريا، وعدد أخر من الفنانين، وتأليف أحمد محمود أبوزيد وإخراج محمد عبدالرحمن حماقي.