الأموال
الأربعاء، 17 أبريل 2024 07:39 صـ
  • hdb
8 شوال 1445
17 أبريل 2024
بنك القاهرة
CIB
الأموال

رئيس مجلس الإدارة ورئيس التحريرماجد علي

فنون

منة فضالي تكشف تطورات حالة والدتها الصحية بعد خضوعها لعملية جراحية

منة فضالي ووالدتها
منة فضالي ووالدتها

كشفت الفنانة منة فضالي عن تطورات حالة والدتها الصحية بعد خضوعها لعملية جراحية كبيرة خلال الأيام الماضية.

وكتبت منة فضالي، عبر حسابها الشخصي بموقع فيسبوك: عاوزة أشكر كل الناس اللي جاتلي المستشفى علشان يطمنوا على ماما واللي اتصلو، بجد ألف شكر وفعلًا المواقف بتبين الناس، فيه ناس معرفهاش والله جاتلي واتصلوا وناس كانت قريبة وكنت فاكراهم أصحاب ولا فكروا حتى يسألوا بس معلش؟.

وتابعت: وحقيقي بشكر من قلبي الرجولة كلها في عز ما هو مشغول مسابنيش الرجولة أمير كرارة، أنا أمي كان عندها كانسر في القولون وشلنا 90% منه وعملنا تحويل مسار وحوار طويل جدًا، ولسه مكملين في المستشفى بس إن شاء الله تتحسن.

وأضافت: إيمان العاصي، مي كساب، لقاء سويدان، عبير منير، عفاف محروس، وكيكي هجرسي، منى عبد السلام، متحرمش منكم ولا من جدعنتكم مسبتنيش لوحدي، وحقيقي شكرًا من قلبي لـ صاحبتي الوحيدة اللي معايا من أول ما جيت المستشفى منار، المساعدة بتاعتي وظهري ابتسام وبنتها أمل، شكرًا ليكم يا جماعة أول مرة أحسن أني محبوبة وإني مش لوحدي.

وكانت منة فضالي أعلنت خضوع والدتها لعملية جراحية عبر حسابها الشخصي بموقع التواصل الاجتماعي “انستجرام”، وكتبت: أمي من يوم 2 في الشهر لحد دلوقتي في المستشفى، كل الناس عارفة أنا مرتبطة بـ أمي قد إيه لأن مليش غيرها في الدنيا وهي كمان ملهاش حد غيري.. هي داخلة دلوقتي تعمل عملية كبيرة أوي، ده أكبر امتحان ليا، أرجو منكم تدعوا لها تخرج بسلامة بحق الأيام المتفرجة يا رب.. يا رب مضرنيش بيها يا رب.

يذكر أن منة فضالي تشارك في رمضان 2024 في مسلسل "محارب"وهو بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور، تأليف محمد سيد بشير، وإخراج شيرين عادل، وإنتاج أحمد السبكي.

مصر للطيران
منة فضالي أخبار منة فضالي
بنك الاسكان
NBE