تامر حسني يتعرض لانتقادات لاذعة من رواد التواصل الاجتماعي.. والسبب إعلان شيبسي
تعرض الفنان تامر حسني، لهجوم شديد من قبل رواد التواصل الاجتماعي، بسبب ظهوره في إعلان شركة شيبسي لرمضان 2024، والتي تعد من الشركات المقاطعة منذ أحداث 7 أكتوبر الماضي، وذلك تضامنًا مع أشقاءنا في غزة.
وظهر تامر حسني في الإعلان وهو بتجول في شارع مظلم وفي يده مكبر للصوت يقول عبره: "إيه يا جماعة النوم دا كله.. مفيش ولا واحد صاحي؟"، ليبدأ بغناء أغنية افرح يانايم".
رأي الجمهور في إعلان تامر حسني
وعبر رواد التواصل عن غضبهم من تامر حسني حيث كتب أحدهم: "شيبسي وبيبسي شركة واحده يا تامر يا حسني شيبسي وبيبسي ما بيلموش العيله يا تامر يا حسني العيله عمرها ما بتتلم على شيبسي يا تامر يا حسني شيبسي فرق الملايين من اطفال غزة كل كيس شيبسي بتشتريه يا تامر يا حسني بيبقى قنبله موقوته بتتفجر في اطفالنا في غزة ما تبقاش تزعل لما يتحط ياتمور !".
وعلق الأخر:شركة شيبسي جابت تامر حسني يعملها اعلان يقوم بيه الدنيا شوية بعد خساير المقاطعة ، فجددت حوار المقاطعة في عقول الناس تاني وفكرت اللي كان ناسي ووقعت معاها تامر حسني بالمرة.
وكتب أخر عبر حسابه على "فيس بوك": هل تامر حسني محتاج فلوس ؟ لأ .. هل محتاج شهره ؟ بردو لأ .. ياخي انت ما شاء الله لا محتاج فلوس ولا شهره ، ايه المبرر انك تعمل اعلان لمنتج المفروض انه مقاطعه ؟ لا هيغنيك ولا هيشهرك.. الموضوع ممكن نتقبله من واحد للاسف محتاج ومضطر انما انت ايه مبررك .. هل تأثير تامر حسني اقوى من تأثيرنا ؟ للأسف اه.. انت لو رفضت الاعلان ووضحت السبب صوتك هيبقي اقوي واسرع مننا بكتيييير.. في ناس كتير معهمش فلوس مفرطه ولا شهره بس معاهم نخوه وكرامه .. الحمدلله يارب علي ابعاد نقمه. الفلوس وجنون الشهره عن قلوبنا.
