أحمد سعد يعلن تبرعه لاقتصاد مصر: أتمنى كله يعمل كده
قرر الفنان أحمد سعد التبرع بمبلغ 50 ألف دولار لمصر في ظل أزمتها الاقتصادية التي تمر بها في الفترة الحالية.
ونشر أحمد سعد فيديو عبر حسابه الرسمي بموقع التواصل الاجتماعي "انستجرام"، وقال فيه: احساس بإن مصر بتمر بمشكلة اقتصادية أصبح دلوقتي شيء بيأرقني جدا وبيتعبني جدا جدا، ودايما بقعد أفكر اي اللي في أيدي ممكن أعمله.
وتابع: وبصراحة قررت من أجري برة مصر اللي بقبضه بالدولار، إني أتبرع ب 50 ألف دولار للاقتصاد في بلدي وده شيء لا يذكر بالنسبة لحجم الاقتصاد اللي عندنا ولكن المبادرة طالعة مني محدش وجهني ولا قالي اعمل كدة، ولكن هو شيء عشان أحس احساس كويس تجاه مصر حبيبتي، وأتمنى أن كله يعمل كده ويشوف هيحس إحساس حلو ازاي.
آخر أعمال أحمد سعد
يذكر أن أخر أعمال أحمد سعد، أغنية "بعتذرلك"، وهي من كلمات محمد الشافعي، وألحان إسلام رفعت، وتوزيع وهندسة صوت يحيى مهدي، ومن إنتاج شركة "مزيكا" للمنتج محمد جابر.
