منتج مسرحية زواج اصطناعي يعلق على هجوم كاملة أبو ذكري: جرحتي عدد كبير من الفنانين

علق صلاح الجهيني السيناريست ومنتج مسرحية زواج اصطناعي، على انتقاد المخرجة كاملة أبو ذكري لـ أبطال العمل.

وكتب صلاح الجهيني منشورا، عبر حسابه الشخصي بموقع التواصل الاجتماعي فيس بوك: من الحاجات اللي بتضايق أي فنان هي انتقاد الناس وتقييمهم للعمل، من خلال الإعلان دون مشاهدة العمل نفسه.

وتابع : كان شيء مؤسف جدًا لما الناس هاجمت مسلسل، قبل ما تشوفه لمجرد أن حواجب البطلة على البوستر معجبتهمش، ولكن المؤسف أكثر أن مخرجة ليها تقديرها واحترامها زي الأستاذة كاملة أبو ذكري، قررت تهاجم عمل فني وتتهمه أنه اتكتب واتنفذ في 3 أيام بدون ما تشوف منه أي مشهد، متجاهلة مجهود أكتر من 60 شخص اشتغلوا على مدار 5 شهور عشان العمل ده يظهر ويتنفذ على الوجه اللي هما شايفينه بيرضيهم.

وأضاف: أستاذة كاملة، أنا مقدر موقفك السياسي والإنساني، ولكن يؤسفني أقول لحضرتك إنك جرحتي عدد كبير من الفنانين والشباب المجتهد، اللي بيعتبروا حضرتك قدوة ليهم بدون وجه حق.

وكانت كاملة أبو ذكري كتبت عبر حسابها بموقع التواصل الاجتماعي "فيس بوك": "الأستاذ الفنان إلي كنت واحده من محبيه...لو حضرتك فاكر إنك لما تعمل عمل إتحضر و إتكتب و إتنفذ في تلات أيام، وتروح تعرضه و ترقص و تغني و تضحك و بعد كده تأخد ألاف الدولارات، لو ده بتسميه فن فأنا لا يشرفني إني أكون زميله لك في هذه المهنه".

وتابعت: "ولما تكون بتعرض التفاهات دي ده لا يشرف الفن المصري ولما تعرض التفاهه دي و جارك بيدبحوا أطفاله ونساءه ورجاله وتقولي الفن يبقي ماعنديش كلام أقدر أقوله غير إن الإحساس والفن نعمه إنتم أخر ناس تتكلموا عنها".

يذكر أن مسرحية زواج اصطناعي يشارك في بطولتها عدد كبير من النجوم والنجمات، منهم: مي عز الدين، بيومي فؤاد، محمد أنور، سليمان عيد، إيمان السيد، دنيا سامي، وغيرهم.