ميدو يهاجم فتوح: افتكر نفسه روبرتو كارلوس

فتَحَ الإعلامي أحمد حسام ميدو، نجم نادي الزمالك السابق، "النار" على أحمد فتوح ظهير أيسر الفريق الأول لكرة القدم بالقلعة البيضاء، بسبب عدم انضباطه.

وقال ميدو في تصريحات عبر برنامج "الريمونتادا"، على قناة "المحور": فتوح افتكر نفسه روبرتو كارلوس، في عقليات متستحملش النجومية ولا تستحمل الكلام ده، وزيزو عشان عقليته كويسة الفلوس اللي بياخدها مأثرتش فيه بالعكس بيشتغل على نفسه أكتر.

وتابع: شيكابالا سنين طويلة مبياخدش مستحقات، مبيتكلمش، اللاعيبة دي نموذج وتستحق إنها تكمل بعد الاعتزال، ومحمد عبد الشافي، هل فتوح أجمد من عبد الشافي؟ فتوح لاعب كورة كويس لكن عبد الشافي لا يُقارن بأحد وكان لاعيب كورة جامد جدا وأجمد من فتوح.

وعن إقاله أوسوريو، قال: مدرب محترم، وكان جاي الزمالك مركز بنسبة 100%، اليوم اللي ابتدا ميحصلش على فلوسه في وقتها، فقد تركيزه، ورغم المحاولات اللي الناس الزملكاوية عملوها ولكن تأخر فلوسه كانت سبب في عدم تركيزه، والراجل حالته الذهنية اختلفت بسبب فلوسه المتأخرة.

واختتم ميدو حديثه: في ناس كانت ممكن تخاف تاخد قرارات زي دي، لكن أنا كان عندي ثقة في حسين لبيب ومجلسه المحترم، إنه مش هيخاف ياخد قرارات تكون في مصلحة الزمالك، بوجه كل التحية لمجلس الزمالك على قرارات انهاردة خاصة فيما يخص عرض فتوح وصبحي والزناري للبيع.