”ما تبس عك”.. رنا سماحة تعلق على اتهامات عمرو مصطفى بسرقة عدد من الفنانين لألحانه

علقت الفنانة رنا سماحة عن اتهامات الملحن عمرو مصطفى بسرقة عدد من الفنانين لألحانه وتسجيلها باسمهم.

و قالت رنا سماحة خلال منشورعبر حسابها بموقع التواصل الاجتماعي فيسبوك: مستنين استاذ عمرخيرت يقولنا عمل مزيكا عفواً ايها القانون سنة كام يمكن يكون سرقها منك.

وأضافت رنا: أو الاستاذ فضل شاكر برضو يقولنا عمل امتى أغنية يا غايب يمكن يكون برضو سرقها منك ، ما تبس عك بقى ده هم ٧ نغمات كلنا بنلف وندور حواليهم مصدق نفسك اوي بجد .

عمرو مصطفى يتهم رامي صبري بسرقة لحن أغنية "يمكن خير"

وكان عمرو مصطفى اتهم رامي صبري بسرقة لحن أغنيته رقص خلال لقائه برنامج "حبر سري" ، حيث قال:"لحن أغنية يمكن خير ده لحن أغنيتي "رقصة" اللي أنا نزلتها من سنة، ورامي صبري قال إنه عامل الأغنية بتاعته من 2009 ، وأنا عايز دليل يطلع قدام الناس يثبت إن الأغنية متسجلة من 2009".

وتابع :" أنا بحب رامي صبري جداً ، وأنا منفعلتش من شوية أنا عمال أتسرق في الأغاني بتاعتي ، وأنا لو عاوز أشيله الأغنية بتاعته من علي اليوتيوب أقدر أشيلها ، والأغنية ناجحة عشان بتاعتي وأنا اللي عاملها ورامي صبري باركلي علي أغنية رقصة ، وفي ملحنيين كتير سرقوني ".

وأختتم:"أنا معتذرتش لرامي صبري بس هو كلمني وقالي أنا عامل الأغنية دي من بدري وشكلي مش حلو وعشان خاطري وكان أي كلام والمفروض كان يبعتلي حاجة تثبت، وأنا عديت الموضوع بمزاجي ".

عمرو مصطفى يحذف أغنية يمكن خير

وقام عمرو مصطفى بحذف أغنية يمكن خير من على موقع الفيديوهات العالمي يوتيوب بعدما أتهم رامي صبري بسرقة لحنه.

رد رامي صبري على اتهامات عمرو مصطفى

وشارك رامي صبري مقطع فيديو يوضح أن لحن أغنية يمكن خير موجود على جهازه بتاريخ 2019، وعلق عليه قائلًا: بالدليل يمكن خير لحن رامي صبري أي حد يقدر يوقف أي أغنية يوتيوب لحد لما يوتيوب يتأكد أنها ملك صاحب الأغنية.

وتابع: بس ردينا بالڤيديو علشان كمان الجمهور يعرف ويتاكد أننا مابناخدش لحن مش بتاعنا ونكتب عليه اسمنا محاربة النجاح مش الحل الحل إنك تشتغل على نفسك وتركز في شغلك وتعمل جديد علشان الجمهور يستمتع مش تحارب النجاح..

واختتم: يمكن خير من ضمن نجاحات رامي صبري وليست أولها ولا أخرها ربنا يهدي الجميع ونركز في صناعة الموسيقى بدل ما نهدها شكرا.