دوللي شاهين تكشف عن محاولتها الانتحار: كنت عايزه أحدد مستقبلي

كشفت الفنانة اللبنانية دوللي شاهين، عن بعض تفاصيل حياتها الشخصية عندما حلت ضيفة علىبرنامج "بنشتري راجل"، الذي تقدمه الفنانة هبة السيسي عبر قناة الشمس.

وقالت دوللي: "طفولتي كانت طفولة مش عظيمة، وعلشان كده ذكريات كتيرة عقلي عمل لها بلوك، لكن فاكرة إني في سن معين كنت عاملة زي الولد وشقية جدا وعفريتة، وإن علاقتي بوالدي مكانتش عظيمة.

وتابعت: "بابا كانت شخصيته قوية جدا، وماما إتجوزته لما كان عمرها 14 سنة تقريبا، وتقدري تقولي إنه ربى ماما زي ما ربانا".

وأضافت: "وأنا صغيرة مكانش عندي فكرة فتى الأحلام، بابا كان راجل شرقي بزيادة وعنده قيود كتيرة، وكان كل أحلامي أتحرر من القيود دي قبل ما أفكر مين فتى أحلامي".

وواصلت:" أنا ست عقلانية، ومقدرش أمنع بنتي عن حاجة محدش قدر يمنعني منها".

واستكملت: رغم كل جبروت بابا حاولت أنتحر مرات، ويا إما أموت أو أحدد مستقبلي زي ما أنا عايزاه، أنا كائن عنده حرية الاختيار، مينفعش بعد العمر ده أحدد لبنتي هي عايزة إيه.

وأوضحت:"موقفي هو دعم بنتي في أي حاجة هي عايزاها، لكن محبش تدخل الوسط الفني لأنه عذاب وشقاء، ومفيش عندها حد يدعمها زي ما أنا لوحدي ومفيش حد يدعمني، وساعات كتير بنقعد من غير شغل علشان الشللية في الوسط".

آخر أعمال دوللي شاهين

يذكر أن آخر أعمال دوللي شاهين، أغنية "أفراح و زينة"، التي طرحتها عبر حسابها الخاص بموقع الفيديوهات العالمي يوتيوب، وهي من كلمات السيد علي الحان أحمد الكارمي توزيع وميكس محمد عمار، أخراج مؤمن يوسف