بسمة وهبة عن سبب سفرها إلى لندن: رحلة علاج أستحلفكم بالله ما تنبروا عليا

كشفت الإعلامية بسمة وهبة عن السبب وراء سفرها إلى لندن.

وقالت بسمة وهبة، عبر مقطع فيديو عبر خاصية ستوري على حسابها الشخصي بموقع تبادل الصور والفيديوهات القصيرة انستجرام : والنبي استحلفكم بالله ما تنبروا عليا والله ما جاية أتفسح في لندن.. تصدقوا بالله أنا بنزل من غير فلوس في لندن عشان الحاجات هنا مولعة نار.

وتابعت: أنا جايه رحلة علاج والله العظيم ادعولي ما تنبروا عليا أنه يشفيني ويكتبلي الحج.. والنبي ما تنقوا ولا تنبروا عليا وهاخدكم جولة معايا بكرا عند الدكتور والمستشفى عشان ترتاحوا وتدعوا من قلبكم.

بسمة وهبة تبرئ ريم طارق زوجة حسن شاكوش

على الصعيد الآخر، قامت بسمة وهبة بتبرئه ريم طارق زوجة حسن شاكوش بعد اتهاماته الأخيرة، حيث قالت خلال لقائها ببرنامج ET بالعربي: " في حاجة طالعة بتدين ريم وأنا هبرأها منها .. بيتقال إن ريم كذبت في إنها كانت متجوزة قبل كدة لا ريم مكذبتش وهي قاعدة لما هاجمتها وقولتلها ليه عملتي سجدة الشكر قدام الناس فقالتلي لا أنا كنت سعيدة وحاسة إن ربنا بيعوضني عن تجربة عانيت فيها.. هي التجربة دي إيه؟ ما أكيد تجربة جواز".

وعن حلقتها معهم في برنامج "العرافة" الذي عرض في رمضان المنصرم: خدت شيخ العرافين على جنب واتخانقت معاه وقولتله أنا اللي باخد الكلام في الأخر وبيقولوا إن أنا خرابة بيوت، ودا بقى خراب بيوت فعلا .. إنت مكنش ينفع تقول كده..وفي حاجات كمان اتشالت في المونتاج واتخانقت مع شيخ العرافين وقلت له أنت كده بتخرب البيوت والناس بتهاجمني أنا.

وأضافت :"لو كان طلاقهم بسببي كان إيه اللي هيخليهم قاعدين كل ده من بعد الحلقة كويسين؟".

واختتمت موجهه لحسن شاكوش رسالة، قائلة: " أنا عايزة أقول لحسن إنت أكيد كنت عارف إن ريم كانت متجوزة وأكيد القضية اللي هي رافعاها على طليقها هتبان وبعدين حسن داير .. إنت مش ممكن واحدة تضحك عليك وتقولك إنها أنسة وإنت متكونش عارف إنها اتجوزت قبل كده .. أكيد عارف حكايتها".