شيرين عبد الوهاب توضح سبب اختفائها من السوشيال ميديا
كشفت الفنانة شيرين عبد الوهاب عن سبب اختفائها المفاجئ من السوشيال ميديا، مؤكده أنها لم تخسر حسابتها عبر مواقع التواصل الاجتماعي المختلفة.
وقالت شيرين عبد الوهاب في لقائها ببرنامج ET بالعربي: أنا مخسرتش السوشيال ميديا بتاعتي بس فيه شوية حاجات كدا إدارية بتخلص، وإن شاء الله هترجع السوشيال ميديا بتاعتي، وأي سوشيال ميديا بتاعت أي حد بعتبرها بتاعتي.
وردت شيرين عن المشككين في تواجدها بدبي، حيث قالت : وكنت حريصة أني أعمل مقابلة عشان الناس تعرف أني وصلت دبي عشان فيه شوية مشككين في السوشيال ميديا بس احنا حطناهم مكانهم دلوقتي.
واستكملت: ربنا ما يحرم أي إنسان من ضحكته، وأنا بحب المسئولية أوي، وبحب استقبال الجمهور، ومقابلة الجمهور، فأنا سعيدة عشان كدا، وأنا منساش أن أول حفلة أعملها في حياتي خارج جمهورية مصر العربية كانت في دبي، فدبي وشها حلة عليا، وعملنا بروفات في مصر كتير وفيه غنوتين جداد هقدمهم على المسرح.
واختتمت: وعندي شوية مشاكل إدارية بتخلص مع روتانا.. الأغاني موجودة بس أول ما المشاكل الإدارية دي ما تخلص هيتم طرحها، وخلاص أنا بقيت موجودة، وبناتي هيكونوا معايا على المسرح إن شاء الله.
يذكر أن شيرين عبد الوهاب سوف تحيي حفلاً جماهيرياً كبيراً، في مدينة دبي، يوم 28 أبريل الجاري.
