بدرية طلبة تنتقد آراء ياسمين عز: احنا ماشيين بالعلاج و الكلكعة اللي في قلبي منك زادت

انتقدت الفنانة بدرية طلبة آراء الإعلامية ياسمين عز، من خلال فيديو نشرته عبر حسابها الرسمي بموقع التواصل الاجتماعي "فيسبوك".

وقالت بدرية طلبة: ايه يا ياسمين أحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت.

وتابعت "طلبة": أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير، بعد ما أقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا.

واختتمت الفيديو، قائله: وبعدين اي الصوت الشتوي ده يعني الست تلبس بطانية وهي بتتكلم ولا اي، وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.

أعمال بدرية طلبة

وعلى الجانب الأخر، انتهت بدرية طلبة، من تصوير فيلمها الجديد "ساعة إجابة" بطولة النجمة الكبيرة سوسن بدر، غادة عادل، شريف سلامة، آيتن عامر، نجلاء بدر، انتصار، محمد ثروت، بدرية طلبة، فيدرا، فراس سعيد، إيمان السيد، مراد مكرم، أحمد فتحي، أحمد طلعت، لطيفة فهمي، مجدي البحيري، بالإضافة إلى المغني الشعبي عمر كمال الذي يشارك في الفيلم بالغناء أيضًا.

يذكر أن آخر أعمال بدرية طلبة ، فيلم "تماسيح النيل"، ويشارك في بطولته: ويزو، محمد جمعة، سليمان عيد، بدرية طلبة، وسوزان نجم الدين وغيرهم، ومن تأليف لؤي السيد وإخراج سامح عبدالعزيز.