لأول مرة.. رضوى الشيربيني تتحدث عن ابنتيها : الصغيرة هتبقى خليفتي في الإعلام و الكبيرة هادية

تحدثت الإعلامية رضوى الشربيني، عن ابنتيها "تيا و تمارا" لأول مرة ، وذلك خلال مقابلة مع الإعلامي إيلي نخلة ببرنامج "The Insider بالعربي".

بنتي هتكمل مسيرتي في الإعلام

وقالت رضوى: "تمارا هي اللي هتبقى خليفة رضوى الشربيني، بصوا أنا وقفت فين، هي هتكمل المسيرة، وهتشوفوا أيام جميلة".

وتابعت: "هتبسطكوا أكتر مني، بتقول كلام أوحش مني، ماتقلقوش خالص، بتتكلم عن الرجالة بس برضه، معرفش ليه، وكل واحد تتخانق معاه تقول له أنا بنت رضوى الشربيني، عشان تأكد المعلومة، كأني مربياهم في البيت أنهم طالعين كارهين الرجالة، مضيعه بقيت سمعتي".

وتابعت رضوى الشيربيني حديثها، قائلة: "يعني بنتي الكبيرة هادية أوي وهانم ومؤدبة، خايفة عليها جدا بجد".

ضربت راجل بسبب المعاكسة

وردت رضوى على سؤال إذا قامت بضرب رجل من قبل، قائلة: أه بس دي حادثة فردية، هو كان بيعاكس معاكسة زيادة فاضطريت.

رسالة للرجال

وفي اللقاء، وجهت رضوى الشربيني رسالة للرجال قائلة: "من فضلك أفهمني صح، أنا مش عدوتك لكن عدوة تصرفاتك الخاطئة تجاه البنات، كون رحيم بالست الموجودة في بيتك، ويا تكون رجل قد المسئولية ومحترم وتحترمها يا بلاها".