أبرز تصريحات جورج وسوف في برنامج صاحبة السعادة.. ربنا خلقني عشان أغني ومش هعتزل أبدا
حالة من الجدل الواسعة أثارها الفنان جورج وسوف بعد ظهوره مع الإعلامية إسعاد يونس في برنامج صاحبة السعادة، وذلك بسبب تصريحاته المختلفة حول حياته الشخصية.
ينشر موقع "جريدة الأموال" أبرز تصريحات جورج وسوف في برنامج صاحبة السعادة، وخاصة بعدما انتشرت العديد من الأنباء التي أشارت اعتزاله الفن.
- أنا شايف اتجاهات الغنا الجديدة ومش ضدها، بالعكس أنا مع هذا الشيء، وأحاول أعاصر الشباب وأغني لهم، ده واجب، ولو معاصرناش الجيل الجديد تبقى مصيبة.
- مررت بأكثر من وعكة صحية، وعدت على خير.
- كل أسبوع الشائعات بتموتنى مرتين وأتجاهل الرد.
- بتابع اللي محتاج أعرفه من السوشيال ميديا وبس.
- أغنية اللي تعبنا سنين في هواه سبب شهرتي.. والجمهور المصري بيحب من قلبه.
- جو بيت أمي وأبويا بعيد عن جوي نهائيا، أنا سبت البيت وأنا صغير، ورحت في طريق الفن والغنا والحفلات، وأخواتي بعيد عن هذا الجو
- حقوق المرأة الأيام دي شغل الناس الشاغل، وطالما في ست ورا الكاميرا يبقى اسمها كاميرا وومان.
- علاقتي بفيروز علاقة روحية أكثر من علاقة شخصية، وكنا جيران في بيروت وقابلتها، وكانت مقابلتها شيء مهم عندي.
- فيروز أيقونتنا، لكن الفنان مظلوم دايما، وبيلاقي نفسه في الآخر عايش لوحده، وهي قاعدة في البيت بعد ما قدمت كل شيء، وأنا أضع نفسي مكانها وأتضايق لهذا الشيء.
- ربنا خلقني في الدنيا عشان أغني، في ناس بتقول ده وقت إنك تعتزل، مش هعتزل، كإنهم بيقولوا روح موت أو انتحر.
- اتربيت على أغاني مصر وأم كلثوم ومن قبلها، و90% من أرشيفي أغنيات باللهجة المصرية.
- الجمهور المصري بيحب من قلبه ومبيعرفش يكدب أو يجامل.
- أنا جاهز لأي حفلة شعبية للفقراء في أي لحظة.
