”لو كان شاف الحب ده كان فرق معاه”.. بكاء يسرا أثناء تسلم تكريم هشام سليم بمهرجان الفضائيات

تسلمت الفنانة يسرا، تكريم الراحل هشام سليم،، من مهرجان الفضائيات في افتتاح دورته الـ13.

وبكت يسرا، أثناء استلام التكريم ، وقالت: أنا عاجزه عن الشكر لتكريم هشام سليم وعن الحب اللي شوفناه لما راح هشام ... الحقيقه هو حته مننا واخد حته من قلوبنا معاه .

وتابعت: انا وخالد مكناش متصورين كم الحب اللي حصل من كمية الناس سواء ع الفيسبوك او الانستجرام او حتى الناس اللي بتعزي .. هو واحد مننا شوفناه من وهو ٧ سنين لحد اليوم اللي راح فيه.

وأضافت يسرا: يمكن لو كان شاف الحب ده والتقدير ده كانت فرقت معاه كتير وعشان كده عايزه اقول للناس حبوا بعض وقولوا لبعض انكم بتحبوا بعض وسامحوا بعض واعرفوا تكون جمب بعض ف الشدة ووقت اللزوم مش بعد مايروح البني ادم نعبر له عن شعورنا .

يذكر أن هشام سليم رحل عن عالمنا عن عمر يناهز 64 عاما، بعد صراع مع مرض السرطان، وترك الفنان الراحل أعمالا هامة في المسرح والسينما والتليفزيون.