الأموال
السبت، 21 مايو 2022 09:40 مـ
    20 شوال 1443
    21 مايو 2022
    شارك
    CIB
    الأموال

    رئيس مجلس الإدارة ورئيس التحريرماجد علي

    فنون

    شريف إدريس يعلن اعتزاله الفن: الشغل متقسم على ناس معينة

    شريف إدريس
    شريف إدريس

    أعلن الفنان شريف إدريس اعتزاله الفن بشكل نهائي، عبر منشور نشره عبر حساباته على مواقع التواصل الاجتماعي.

    وقال شريف إدريس : بسم الله الرحمن الرحيم، بعد 35 سنة سعي وتعب وشقى في الوسط الفني؛ قررت الاعتزال والابتعاد تماما، وتغيير مسار حياتي، وأي حد عنده فرصة سفر ليا هكون شاكر ليه، وده طلبي الوحيد.

    شريف

    وأضاف: ده قرار أخدته بعد ما الأمور وصلت في الوسط الفني لمرحلة عبثية؛ وصلت أني بقيت بشوف بعض الزملاء بيشحتو الشغل علني، علشان يشتغلو لأن الشغل بقى متقسم على ناس معينة، فلو الأمور وصلت لكده أبعد أحسن.

    وتابع: حتى لما بيجي شغل، بيتفرض عليك توافق بأقل الفلوس، وتخرج من الشغل مديون، ومواقف مهينة زي أن شركة إنتاج تعرض عليك أجر هو قيمة ربع أجرك، والسبب أن الميزانية مصروفة على الديكور؛ طب خلو الديكور يمثل.

    واستطرد : هحكيلكم موقف حصل معايا من أسبوع؛ اتصل بيا حد قالي عايزين حضرتك بكرة، عندك تصوير في مسلسل كذا، بس هتدفع 10% للكاستينج دايريكتور، كان هيجيلي جلطة بعد ما قفلت المكالمة، ووافقت علشان أنا محتاج أشتغل ومحتاج فلوس، وماقدرتش استوعب الفكرة بصراحة، أني بعد العمر ده.. مضطر أدفع علشان أشتغل.. فاتصلت واعتذرت وده الحال حاليا ان الامور بقت في ايد كاستينج دايريكتور..وده موقف من مواقف كتير مريت بيها لو حكيتها محتاجه كتاب مش بوست عالفيس.

    واستكمل : "فطالما الشغل بقي لازم يتدفعله..وطالما الشغل بقي بالشحاته..يبقي بلاش احسن، انا طول عمري راضي الحمد لله..بس حقيقي انا وصلت لمرحلة اكتئاب وصلتني اني بقيت بنام احلم بكابوس اني بقتل عيالي وبقتل نفسي لأني وصلت لمرحله نفسيه وماديه اني بقيت مش قادر اربيهم ولا اصرف عليهم وانا عندي تلات اطفال بعبدهم عباده متخيلين حجم المسؤليه..وبقيت مديون لطوب الارض"

    وأوضح: "حقيقي لو حد عنده فرصة سفر ليا هاكون شاكر ليه جداً وهيكون جميل في رقبتي لحد ما اموت لأن حقيقي انا مش قادر اعيش في البلد دي تاني انا حاولت اسعي في اي مجال تاني بس ماقدرتش"

    وأكد أنه لو اتعرض عليه بطولات بعد المنشورهيرفضها لان المنشور هو نهاية علاقته بالمجال.

    واختتم :"ملحوظه:انا مش محتاج طبطبه من حد انا محتاج فرصة سفر وشغل تخليني اعيش ولادي حياة كريمة وشكرا ليكم محبتي للجميع، هاين عليا اقوم ارمي نفسي من البلكونه بعد ماوصلت اني اكتب البوست ده"

    شريف إدريس مسلسل الجماعة 2 مسلسل نسر الصعيد مسلسل قصر النيل فيلم انهاردة يوم جميل اعتزال شريف إدريس

    أسعار الذهب

    متوسط سعر الذهب اليوم بالصاغة بالجنيه المصري
    الوحدة والعيار الأسعار بالجنيه المصري
    عيار 24 1,103 إلى 1,126
    عيار 22 1,011 إلى 1,032
    عيار 21 965 إلى 985
    عيار 18 827 إلى 844
    الاونصة 34,299 إلى 35,010
    الجنيه الذهب 7,720 إلى 7,880
    الكيلو 1,102,857 إلى 1,125,714
    سعر الذهب بمحلات الصاغة تختلف بين منطقة وأخرى

    آخر الأخبار

    أسعار العملات

    العملةشراءبيع
    دولار أمريكى​ 18.261718.3617
    يورو​ 20.049520.1629
    جنيه إسترلينى​ 24.092624.2337
    فرنك سويسرى​ 19.610919.7204
    100 ين يابانى​ 15.004215.0901
    ريال سعودى​ 4.86824.8951
    دينار كويتى​ 59.968760.4519
    درهم اماراتى​ 4.97124.9996
    اليوان الصينى​ 2.86492.8842
    بنك الاسكان البنك الأهلي المصري
    ahli HDB