بعد تعرضه لانتقادات.. عمرو كمال يعلق على تصرفات كوكسال بابا: محدش ياخد على رد فعله

شهدت الأيام القليلة الماضية، تعرض البلوجر التركي الشهير كوكسال بابا لانتقادات كثيرة على الشبكات الاجتماعية بعد زيارته لمصر .

وخرج المطرب عمر كمال ليدافع عن كوكسال بابا عبر حسابه بموقع التواصل الاجتماعي "فيس بوك" وكتب:"الناس ظالمة الراجل العسل ده .. ده راجل ربنا اصطفاه انه يعيش عنده مرض نادر واللى زيه بيموتوا عند سن معين بس هو ربنا اختاره يعيش".

وأضاف :"مر بظروف سيئة من فقر وموت أب و أم .. وكمان عقله وقف نموه وفهمه عن سن معين .. فا راجل بعقل طفل .. صورت معاه ٧ أيام فى تركيا ولاحظت انه بيخاف جدا من الزحمة .. ومبيحبش اطلاقا التصوير ولا الكاميرا الا لو واخد عليك ويعرفك ومش بيفهم لا عربى ولا إنجليزى ولا أي لغة غير تركى بس وده بيخليه متنرفز عشان مش فاهم اللى قدامه بيقوله ايه".

وتابع:" كمان عشان هو ف تفكير الطفل الصغير .. متضمنش رد فعله لانه مش واعى وطبيعى للى بيعمله .. هو مشهور بالنرفزة وطريقة كلامه والمشية بتاعته ورد فعله العصبى .. فا محدش ياخد على رد فعله ويحاسبه عليه .. كأنك بتتعامل مع طفل صغير أكيد مش هتزعل منه".

ويذكر أن أخر أعمال عمرو كمال الفنية، مهرجان "البنات" الذي طرحه مع كوسال بابا على موقع يوتيوب.