عمرو سمير يسخر من علي غزلان.. والأخير يرد: المفروض تكون مثقف وعاقل
سخر السيناريست عمرو سمير عاطف، من البلوجر علي غزلان بسبب تصدر حفل زفافه محركات البحث عبر مواقع التواصل الاجتماعي.
وكتب عمرو سمير عاطف عبر حسابه الرسمي بموقع التواصل الاجتماعي "فيس بوك": "فيه شخص اسمه علي غزلان واضح أنه اتجوز وواضح أن دي حاجة مهمة جدًا جدًا، لأني باعرف ده كل ما أدخل الفيس بوك وواضح أنه سعيد قوي".
وتابع: "وواضح أنه عايز حد معين يعرف المعلومات المهمة جدًا دي.. ياريت حد يا جماعة من فضلكوا يوصل المعلومة دي للشخص اللي علي غزلان عايزه يعرف، لأن إحنا كلنا خلاص عرفنا".
علي غزلان يرد على عمرو سمير عاطف
ورد علي غزلان على منشور عمرو سمير عاطف الساخر عبر خاصية القصص القصيرة بموقع تبادل الصور و الفيديوهات بحسابه على" أنستجرام"، كاتبا: بوست غريب من شخصية المفروض تكون مثقفة وعاقلة.. بس ما علينا.
وتابع غزلان: ربنا يرزقك يا استاذ عمرو بفرحتي أو حتى جزء منها، ساعتها ممكن تقعد تنزل صور وفيديوهات لمدة 10 سنين قدام.
وأضاف : آه بالمناسبة.. أنا حر أعبر عن فرحتي وسعادتي بالطريقة اللي أنا عايزها.
وكان علي غزلان احتفل بزفافه مؤخرا على ملكة جمال مصر عام 2017 فرح شعبان، وذلك في أحد الفنادق الكبرى في القاهرة، وشهد حفل الزفاف حضور عدد كبير من البلوجرز والفنانين.
