ماجد الكدواني يكشف سر الصداقة القوية التي تجمعه بكريم عبد العزيز
كشف الفنان ماجد الكدواني عن سرّ الصداقة القوية التي تجمعه بالفنان كريم عبد العزيز، مؤكدةَ أنَّهم عشرة عمر ومتفقين في حاجات كتير حابين المهنة من نفس الزاوية .
وقال الكدواني خلال برنامج "الحكاية" للإعلامي عمرو أديب، إن كريم عبد العزيز التعامل معاه صعب ولازم لما تشتغل معاه تسيب نفسك هيحبك من قلبه وبيشتغل من قلبه حتى في الحياة، بني ادم لو مصدقش يبان على وشه.
وعن صداقته مع كريم عبد العزيز، أوضح: "كريم عشرة العمر ومتفقين في حاجات كتير حابين المهنة من نفس الزاوية وعارفين أنها حاجة مقدسة ودايما بيقولي يا ماجد الاستاذ محمد عبد العزيز ربنا يديله الصحة ليه جمله حلوة بيقول احنا استلمناها كدة وهنسلمها كدة فكريم بيحترم اعراف المهنة وعنده نفس فكرة التدقيق".
وأكد الكدواني أن الفن مهنة لها أعراف وكريم بيحترمها جدا، وبعد تكريمه اللي يستحقه ويستحق اضعافه قالي أنا فرحان أننا بقينا مضرب مثل للصداقة الحقيقية وكنت بقوله هو غريبة ان صديق يفرح لصديقه أنا كنت فرحان اكني أنا اللي باخد الجايزة.
وكان كريم عبد العزيز تم تكريمه من مهرجان القاهرة السينمائي الدولي في دورته ال43 والتي انعقدت في الفترة من 26 نوفمبر وحتى 5 ديسمبر.
يذكر أن أخر أعمال ماجد الكدواني الفنية، مسلسل "موضوع عائلي" وشاركه العمل سماء إبراهيم، طه دسوقي، محمد شاهين، رنا رئيس وغيرهم نخبة من النجوم ومن إخراج أحمد الجندي.
