الأموال
الأحد 6 يوليو 2025 02:02 صـ 10 محرّم 1447 هـ
الأموال رئيس مجلس الإدارة ورئيس التحريرماجد علي

فنون

فريدة سيف النصر تدافع عن محمد رمضان : ”عنده عيوب لكن متربي”

دافعت الفنانة فريدة سيف النصر ،عن الفنان محمد رمضان بعد الهجوم الذي تعرض له بسبب تصريحات الفنانة سميرة عبد العزيز بأنه قام بإهانتها بعد رفضها مشاركته في أحد الأعمال الفنية.

وكتبت فريدة سيف النصر خلال صفحتها بموقع التواصل الاجتماعي "فيس بوك":" كلمة حق ل رمضان ..حواديت حصلت قدامي ،ماحدش يقوللي هاتخسري جمهورك وانصحك ماتدافعيش عنه. نصيحه مايعلقش احسن علشان لاانت ولاغيرك هاتنفعني يوم وقفة الحق.والساكت عن الحق شيطان أخرس وكتم الشهاده نار تقيد في القلب تسوده..وعنده عيوب اه لكن متربي واللي بيحترم ابوه وامه بيحترم الكبار.. وولا حد يقوللي بتطبلي له والسبوبه خلصت ..يابني الشغل اللي انا اشتغلته مع كل النجوم الكبار يخلليني اكره واحتقر الوسط واللي بيحصل فيه دلوقتي..فا مش عايزه تعليقات كلها هري وبس..".

وتابعت:" وتاني هو فيه عيوب آه وكلنا عيوب..ياللا وهاقولهاله لاول مره..عيوبك،(عنيد ..صوته من دماغه.، متهور .كياد..بيفرس ناس قهروه وبيظهر نعم الله عليه مااستعانش علي قضاء حوائجه بالكتمان نصيحة النبي وبيجيب لنفسه ولأهله القر .والناس اللي بتغير وتكره الخير للناس يتشالوا ويتحطوا من غير مايؤذي حد..ده ليه لاننا مختلفين .كل الدنيا العالم الناجحين اوي بيفرحوا لهم احنا لأه يردحوالهم .هو كان فاكر زي مابيفرح الناس هاتفرح له..وقدامكم مثل محمد صلاح اتكرم في العالم كله في مصر لو ماكانش جري كان اتدمر خالص.،يخرب بيت كده احنا ماكناش كده جرالنا ايه دي في ناس بتدعي بزوال النعم ياساتر يارب".

وأضافت:" رمضان غلطان في حاجات كتير ماشي من وجهة نظرك بس هو شايفها صح هو حر زي ماانت حر..في حاجات من غير قصد والناس حواليه مابتاخدش بالها تدفع حاجاته في وقتها الشغل لاهيهم فانلاقيه كل شويه حد يسب فيه ده عيب في ادارته او جايز حد قاصد ولا تعلم..لاحول ولاقوة الابالله العلي العظيم..ربنا ينجيك يابني".

واستكملت :" محمد يقوم لكل كبير سن او اقدم منه في المهنه يحييه ويحترمه ويقول له احلي تحيه من نجم ميجاستار للجميع..مثل الراحل ريحان ويقبل يده ورأسه..عارفه عبدالرسول ويبوس ايدها..فواز..حتي العمال الكبار..محمد محترم جدا ياجماعه مع كل اللي حواليه..بالبلدي غلبان جواه الشاب اللي اتقهر وربنا اداله ومش فاهم بيتلطش ليه ده شغل ربنا وجواه عزة نفس عاجباني مابينحنيش غير لله وبيصلي فاحترمته اكتر وتاني عنده غلط اه وكلنا بنغلط الله اكبر..".

وتحدثت فريدة عن موقف لها مع محمد رمضان:" وعلشان تعرفوا هاحكي حكايه بعد اذنهم جميعا هاتعرفوا منها كتير..قاعدين بنتفرج علي مشهد وبنتكلم في الاستراحه ودخل حبيب قلبي رياض الخولي اللي هناني بأدائي في اعمالي ورياض معلم ونعلم جميعا قدر بعض ونحكي عالصعوبات وذكريات ومواقف..وفجأه التفت ل رمضان وقال له انا زمان كنت انت شغال معانا وكانوا جايبين لي كرافان ده رياض اللي بيقول وكمل دخلت لقيتك بتغير جلابيه والانتاج سمح لك فا روحت مزعق وقولت مين جاب ده هنا وزعقتلك ونزلوك..وكمل رياض وقال له اوعي تكون زعلان مني(دي اخلاق رياض)..رد رمضان وقال حقك يااستاذ وانا عمري ماازعل من حق حد وحضرتك علي راسنا وانا والله مافاكر حاجه...(ده رد رمضان)".

وتابعت:"واكيد ده اتكرر كتير مع محمد حاجات حكاها وحاجات لأه ..واهو بقي له معجبين في العالم ونجم وبطل ومحبوب وماديا ماشاء الله وده (رد ربنا )..يوم انا بقي ماتقابلت معاه لاول مره لقيت فراشه حلوه طيبه جت جري عليا وبوس راس وايد وترحيب واخلاق وكلام طيب ..والله العظيم باشتغل مع عيال بمعني كلمة عيال سواء شهره او كم اعمال او جماهيريه من النوعين ذكر وانثي بتبقي بعيد عنكم ضربة القلب والغرور ياعين امهم فهمهم غلط ان التناكه بداية النجوميه والنجاح..لاه بيفشلوا بعد شويه".

ووجهت رسالة للجمهور:"يبقي نفكر بقي بالعدل..الجدع ده اللي قد ابني بالظبط..ربنا ادالوا ليه ؟بيحبب خلقه فيه ليه؟ ان الله عنود ولايعاند..ايش دراكم اتعمل فيه ايه تاني..انا باقول اهو كده كتير..والله ..".

وعن الفنانة سميره عبدالعزيز قالت:"احتراما لها لن اكذبها ابدا..ولكن رساله وصلت لك من مين اكيد يارمضان حد بيعزك اوي وخد موبايلك ده انت متحارب من ايام عشرين مليون مايعرفوش الله اكبر اجرك حاليا.. يعني كتمتي في قلبك 6 سنين ؟وبعدين دي مش شغلته ان حد يرفض دور فا يتقهر ويكلمه يردح له..يعني حتي لو حصل اشمعني دلوقتي ياحاجه لاحول ولاقوة الابالله العلي العظيم..انا اتشرفت بيها وعملت معانا في مسلسل الرحايا اخت نور ابو دياب زوجي واتقابلنا كتير كانت ماليه الشغل علينا أسالوا الجميع والله حاجه كده خيال بتتعامل حقيقي باسلوب فاتن حمامه شوفوا بقي الرقي ماهو قول لي من تعاشر.. ربنا يهدي الجميع لبعض ويهدي النفوس هو احنا بندور علي مشاكل بأثر رجعي..والله ما مستاهله حقك عليا انا ولو ان اقسم بالله قسم يتهز له 7 سموات دي مش اخلاق محمد..واللي هايقول سبوبه وقرف ورحمة امي هازعل لانكم حبايبي وعارفين اني حقانيه ومابياخد الروح الا اللي خلقها..واشكركم".

سميرة عبد العزيز تكشف تعرضها للإهانة اللفظية من محمد رمضان

كشفت سميرة عبد العزيز عضو كشفت عن تعرضها للإهانة اللفظية من محمد رمضان، برسالة عبر تطبيق "واتس آب" وقالت :" لقيته بيبعتلي ويقولي ياحقيرة ياشحاتة أنا جزمة أمي أحسن منك وأنا باخد 20 مليون جنيه وانتي أجرك 20 ألف جنيه".

محمد رمضان يرد على إتهامه بإهانة الفنانة سميرة عبد العزيز

ورد محمد رمضان على اتهامات الفنانة سميرة عبد العزيز من خلال فيديو عبر حسابه الرسمي على "إنستجرام" وقال فيه:"الكلام ده لم يحدث على الاطلاق عمري ما اتكلمت مع حد أكبر مني بالأسلوب ده. وأكتر حاجة بسطتني أن جمهوري مصدقش الكلام ده من قبل ما اتكلم أو اقول حاجة".

أسعار العملات

متوسط أسعار السوق بالجنيه المصرى02 يوليو 2025

العملة شراء بيع
دولار أمريكى 49.2937 49.3937
يورو 57.9891 58.1166
جنيه إسترلينى 67.5718 67.7287
فرنك سويسرى 62.1846 62.3186
100 ين يابانى 34.2341 34.3083
ريال سعودى 13.1439 13.1713
دينار كويتى 161.4758 161.8829
درهم اماراتى 13.4195 13.4485
اليوان الصينى 6.8760 6.8905

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5303 جنيه 5280 جنيه $107.31
سعر ذهب 22 4861 جنيه 4840 جنيه $98.36
سعر ذهب 21 4640 جنيه 4620 جنيه $93.89
سعر ذهب 18 3977 جنيه 3960 جنيه $80.48
سعر ذهب 14 3093 جنيه 3080 جنيه $62.60
سعر ذهب 12 2651 جنيه 2640 جنيه $53.65
سعر الأونصة 164937 جنيه 164226 جنيه $3337.59
الجنيه الذهب 37120 جنيه 36960 جنيه $751.14
الأونصة بالدولار 3337.59 دولار
سعر الذهب بمحلات الصاغة تختلف بين منطقة وأخرى