ريهام سعيد تبكي بعد إصابتها بمرض مزمن: أنا أتهزمت

تصدرت الإعلامية ريهام سعيد تريند جوجل خلال الساعات القليلة الماضية وذلك بعد الإعلان عن توقف عرض برنامجها "صبايا الخير" على قناة النهار بسبب انتهاء مدة العقد مع القناة، ولكن ليس هذا الأمر فقط الذي تسبب في زيادة البحث عنها عبر محركات البحث والسوشيال ميديا.

وأعلنت ريهام سعيد إصابتها بمرض السكر عبر فيديو بثته من خلال صفحتها الشخصية على موقع التواصل الاجتماعي فيسبوك، قائلة : "كل حد ضايقني وحرق دمي هو اللي أدى أن يجيلي السكر، صاحية عايزة افطر لقيت انه مينفعش أكل عيش ولا فاكهة، أنا جالي السكر، الدكتور قالي أخد حباية بعد كل وجبة، حاجة تزعل طول عمري بساعد الناس وأحاول أعالجهم أول مرة انا اللي احتاج اتعالج".

ووجهت ريهام سعيد رسالة إلى جمهورها ققائلة: " اشكروا ربنا طول الوقت انكوا بصحكتوا انا بالنسبالي انا اتهزمت اللي عايزين يزعلوني ويضايقوني نجحوا انهم يجيبولي سكر يبقى هم انتصروا".

وتأثرت ريهام سعيد وبكت خلال حديثها مع متابعيها في البث المباشر وقالت:" الحمد لله يا رب انك بتخليني أخد بالي من نفسي، ولازم كلكوا تخلوا بالكوا من نفسكوا، انا هوفر وقت كبير ليا ومش هفكر في المسؤوليات والمشاكل والقضايا والناس اللي بتتبلى عليا".