بسبب المايوه المثير..منة فضالي تلجأ لشرطة الإنترنت وتهدد متابعيها
أثارت الفنانة منة فضالي الجدل على مواقع التواصل الاجتماعي ،بعد نشرصورة على حسابها الخاص على موقع الصور والفيديو «إنستجرام» وهي في حمام السباحة وترتدي مايوه كشف عن جسدها.
وقررت منة اللجوء إلى مباحث الإنترنت، ضد كل شخص تطاول عليها بعدما نشرت صورة لها بالمايوه في حمام السباحة.
ونشرت منة فيديو لايف على حسابها الخاص على «إنستجرام» وقالت:«بقالي كتير مطلعتش لايف، ومبحبش أطلع الا لو كان فى حاجة ضرورية، طبعا انتوا عارفين إننا كفنانين بنتعرض لحاجات مش لطيفة أبدا ومش محترمة خالص، سواء في التعليقات أو الرسائل، وهما بيفتكروا إن احنا كفنانين مش بنتابع الكومنتات أو الرسائل، لكن انا بتابع وبرد علي متابعيني لان دا حقهم عليا».
وأضافت «احنا بنتعرض لكلام مش لطيف مش محترم، بس دلوقتي كلكم بتسمعوا عن مباحث الانترنت، وان في زميلات لينا خدوا حقهم بالقانون، انا بقول الكلام دا لان بقالي فترة بتجيلي رسائل من ناس، مش عاوزة أغلط فيهم لكن أهلهم بيصعبوا عليا».
وتسائلت عن الأشخاص المزعجين، «مش خايفين أنهم يتحطوا في نفس الموقف، حد يغلط في والده أو والدته أو أخته، هل دا تفكير سليم أن أى حد يدخل يكتب كومنت سافل، انت كدا استفدت ايه».
وأنهت حديثها: «من هنا ورايح أي حد هيكتب كومنت أو هيبعت رسالة مش محترمة انا هنزلهاله على البروفايل عندى وهبلغ مباحث الانترنت وهاخد حقي بالقانون. الموضوع دلوقتى زاد عن حده فعلا».
