أحمد كرارة يدعم شقيقه : أخويا تعب وشاف المر اللي محدش يعرف عنه حاجة

رد الفنان أحمد كرارة على الهجوم الذي تعرض له شقيقه الفنان أمير كرارة من قبل الفنانة مها أحمد واتهامه بالاستعلاء وعدم الوقوف إلى جانبها من خلال منشور لها عبر "فيسبوك".

ونشر أحمد كرارة صورته مع شقيقه، وعلق عليها كاتبا: "حبيت أكون من آخر الناس اللي هتتكلم على أمير كرارة علشان محدش يقول ما أنت أخوه ولازم تقول كده. اعتقد بعد حب الناس الكثيرة قوي اللي اتكلمو عنه بالخير انهارده بيبين قد إيه أن في نفوس وقلوب سودا بتتمنى الأذى للناس الناجحة".

وتابع: "أنا بحمد ربنا أن أمير كرارة أخويا لأنه جدع وحنين وقلبه أبيض وتعب وشاف المر اللي محدش يعرف عنه حاجة، بيعمل خير كتير محدش يعرف عنه حاجة علشان كده ربنا بيكرمه في شغله وكرمه انهاردة بكل الناس النضيفة اللي اتكلمو عنه بكل خير وواثق أن ولا واحد منهم كتب كلام مجاملة ليه".

واختتم : "أمير كرارة أخويا باشا مصر ونجم بأخلاقه وحب الناس، ربنا يحفظك يا أمير ويبعد عنك النفوس السودة والحاقدين أنت وأخواتي كلهم الطيبين".

وكانت الفنانة مها أحمد قد شنت هجوما على الفنان أحمد السقا والفنان أمير كرارة وكتبت عبر حسابها الخاص على "فيسبوك": "عوضي على الله دي الجملة اللي دايماً بقولها لما أتصدم في أشخاص.. الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم مبيعملوش كده مع أي زميله لهم أقربها أنا.. النجم الأولاني بيني وبينه عيش وملح وزمالة رشحت في مسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة، المفروض إنه عارف قيمتي الفنية وعارف إني إضافة له اتهرب مني وموقفش جنبي وباعني رغم إن الكل عارف إني زي أخته (ندل)".

وتابعت مها أحمد، قائلة: "أما التاني كان في بداياته يتمنى يسلم عليا ويقولي يا أستاذة نزلت من نفسي وقولتله مش هنشتغل مع بعض ما هي الحوجة مرة.. رد وقالي الدور بينادي صاحبه.. طبعاً محكلكوش قد إيه ندمت نفسي وعشت أسود أيام حياتي عياط واكتئاب.. وقلت (عوضى عليك يارب)..".

وعقبت مها أحمد، تقول: "الأيام والاتنين يعلوا ويتجمعوا مع بعض فمسلسل واحد (على عينهم طبعاً) ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوتة سنة أولى تمثيل وخبرة ويتحول المسلسل والدعاية الدراما كاملة لصالحها وهما (مخدماتية للأستاذة).. يمهل ولا يهمل".

وتابعت: "ابدأوا من جديد يا أوفر تمثيل ياللى مبتقروش ياكومبارس جنب النجمة.. نصيحة، بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا.. (عوضنا على الله).. يارب متحوجنا لحد حتى ولو كان أقرب الناس لينا".