بعد وقفه.. اعتذار جديد من تامر أمين للصعايدة في فيديو من منزله
اعتذار تامر أمين للصعايدة
قدم الإعلامي تامر أمين، صباح اليوم الجمعة، اعتذار رسمي وواضح لأهالي الصعيد بعد إساءته لهم في برنامجه أخر النهار، علي فضائية النهار.
وقال تامر أمين فى فيديو صباح اليوم من شرفة منزله،: "أقدم اعتذار واضح وصريح لا لبس فيه لكل أهالينا فى الصعيد وفى كل مكان بمصر، اللى زعلانين منى، أنا لا هكابر ولا هآوح، أنا من الناس اللى بتعتذر لما تحس إن الناس زعلانة منها، حتى لو كانت نيتى يعلم بيها ربنا نيتى خير وكان الهدف هو المصلحة العامة".
واستكمل تامر"أنا أكتر حاجة تضايقنى فى الدنيا إن واحد صعيدى بس أو واحدة صعيدية بس يزعلوا منى، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة".
وتابع تامر أمين: "والله ما أقصدتش الإهانى أبدأ، ودى آخر حاجة تيجى على دماغى، وآخر حاجة في الدنيا إن يبقى حد صعيدى زعلان منى، فانا بقول لكل صعيدى وصعيدية جزمتكم على راسى من فوق، وأنا ابنكم وأنا ابن ريف مصر، ونسايبى أساساً من الصعيد مرات أخويا من الصعيد وبتشرف بيها وبالنسب دا".
المجلس الأعلي للإعلام يقرر وقف تامر أمين
ومن جانبها كانت قرر المجلس الأعلى لتنظيم الإعلام، وقف برنامج الإعلامى تامر أمين لحين استدعائه والتحقيق معه يوم الأحد المقبل، والتأكيد على ضرورة الالتزام بمدونات النشر التى تحض على تعظيم القيم السلوكية والأخلاقية، وأكد المجلس الاحترام الكامل لأهالى الصعيد الذين يمثلون الشهامة والمروءة والرجولة.
