نيللي كريم تتحدث .. مناقشات حول تقديم الجزء الثالث من الفيل الأزرق.. وأعاني من فوبيا المرتفعات

الجزء الثالث من فيلم "الفيل الأزرق"

أجابت الفنانة نيللي كريم، على أسئلة متابعيها من خلال هاشتاج "asknellykarim" على حسابها الرسمي بموقع "تويتر"، والتي تحدثت فيها عن أعمالها القادمة وأهم تفاصيل أعمالها.

وكشفت نيللي أن تقديم جزء ثالث من فيلم "الفيل الأزرق"، ما زال مجرد حديث، ولم يتم الإعلان عنه رسميا، وقالت نيللي: "كان في كلام بس لحد دلوقتي معتقدش هنعمله أو ممكن هيتعمل.. بس دلوقتي مفيش كلام عليه عشان كلنا مشغولين وبنصور فمفتكرش دلوقتي فيه حاجة".

أعمال نيللي كريم القادمة

وأضافت نيللي كريم أنها تقوم حاليًا بتصوير فيلم "العميل صفر" مع الفنان أكرم حسنى، كما أنها تقوم حاليًا أيضًا بالتحضير لمسلسلها الرمضاني القادم، ولكن لم تستقر على اسمه حتى الأن.

كما تطرقت نيللي للحديث عن الجزء الثاني من مسلسل "بـ100 وش"، قائلة :"هيكون فيلم سينما مش مسلسل و عندى مسلسل فى رمضان لسه بنحضره.

فوبيا نيللي كريم

ولأول مرة تحكي نيللي كريم تفاصيل الفوبيا الخاصة بها، قائلة :"كلنا عندنا فوبيا مفيش بني ادم معندوش فوبيا حتي لو مش بيقول.. انا مش بحب الأدوار المرتفعة خالص يعني مش بحب الأدوار العالية.."

وتابعت :" مش بحب الأماكن المقفولة يعنى حتي لو مش جنينة أو مكان على الأرض بحب يكون فيه بلكونة او حاجة مش بحب احس بالخانقة ابدا.. بس مش بخاف من الاسانسيرات عادى".