فيديو.. كريم محمود عبد العزيز يرفض تجسيد السيرة الذاتية لوالده.. تدخل في الحرمة الشخصية للفنان

صرح الفنان كريم محمود عبد العزيز عن موقفه من تجسيد السيرة الذاتية لوالده الفنان محمود عبد العزيز قال: "لازم عشان يتعمل سيرة ذاتية هاتبقى مبنية على الحياة الشخصية واتربى فين وإزاى وعانى من إيه وفيها تفاصيل شخصية كتير أنا عن نفسى مبقتنعش بالمسلسلات دى وبتكون داخلة في حرمة الشخصية اللى بتقدمها وتفضح الناس، وبيكون الشخص عاش وراح لربنا وخلصت الحكاية".

وأضاف خلال لقائه في برنامج "its show time"، تقديم الإعلاميتين مها الصغير ودينا حويدق على قناة CbC: "أنا ومحمد إمام فعلا أصدقاء جدا، ولو اتعرض علينا حاجة كويسة نظهر فيها زى مسلسل هوجان أكيد هنعملها ومفيش مشكلة نشتغل مع أي حد عادى".

وعن التفكير في إنتاج ألبوم غنائى قال: "أنا عملت أغانى في مسلسل شقة فيصل لأن القصة بتتناول صعود مطرب وبيكون وقتها في تظبيط في الصوت وحاجات كدة، لكنى لا أعتقد أنى سأغنى وأنتج ألبوما لأنى مش مطرب خالص".