”مستنينك يا بطل”.. نجوم الكرة المصرية يوجهون رسائل دعم مؤثرة لـ مؤمن زكريا
وجه عدد من لاعبى ناديي الأهلي والزمالك رسائل دعم إلى زميلهم مؤمن زكريا، في أزمة مرضه الذي يعانى منه حاليا، ما تسبب في ابتعاده عن الملاعب.
وعرض الإعلامي إبراهيم فايق عبر برنامجه "جمهور التالتة" الذي يقدمه على قناة "أون تايم سبورتس 2"، رسائل فيديو لحارس مرمى الأهلي، محمد الشناوي، وحارس الزمالك، محمد أبو جبل، ومدافع الأهلي، سعد سمير، ومدافع الزمالك محمود علاء، يدعمون فيها مؤمن زكريا متمنين له الشفاء العاجل والعودة إلى الملاعب.
وقال الشناوي خلال رسالته: "مؤمن حبيبي، ألف سلامة وربنا يشفيك، وترجع الملاعب بسرعة ونشوف أهدافك اللي متعودين عليها، وربنا يشفيك لأسرتك وعائلتك".
وقال أبو جبل: "مؤمن زكريا .. ألف سلامة عليك يا حبيبي، وأتمنى لك الشفاء، وإن شاء الله ترجع أحسن من الأول.. مستنيينك يا بطل، ووحشتنا يا مؤمن".
ومن جانبه، قال سعد سمير: "ترجع بالسلامة يا مؤمن، وإن شاء الله الجاي كله خير عليك وعلى أسرتك، والمحنة اللي انت فيها دي ابتلاء من ربنا وهو قادر يعديك منها على خير"، مضيفًا: "انت من اللاعيبة الكبار والهدافين، وبتعرف تتحرك في الملعب ازاى، والناس كلها تحبك وتقدرك".
ووجه محمود علاء رسالته لمؤمن، قائلًا: "يا مؤمن يا بطل، إن شاء الله ترجعلنا أحسن من الأول، وكلنا بندعيلك وعندنا ثقة في كرم ربنا انك ترجع بالسلامة وتنور الملاعب تاني".
