أثارت الفنانة رانيا يوسف، جدلا واسعا الأيام الماضية بعد نشرها لصور ورسائل المتحرشين بها علي مواقع التواصل الاجتماعي، لفضحهم علي حد قولها.

جاء ذلك في مداخلة هاتفية أجرتها مع الإعلامي المصري، عمرو أديب على قناة MBC، حيث قالت: "قررت أفضح المتحرشين، بيدخلوا على صفحاتي على الانستجرام ويشتموني ويكتبوا كلام يشيب، ورسائل بتشيب، أنا لو بعتلك سكرين شوتس على الحاجات الي بتنكتب حتى من قبل الفستان من أول ما فتحت صفحة الفيسبوك وأنا يعني عندي حالة ذهول.

وتابعت قائلة: "انا ناوية كل يوم أنزل 5 متحرشين لفظيا على السوشال ميديا وانا ناوياها.. مش أنا بس يا عمرو أنا بيتبعتلي من بنات محجبات ومنقبات ولبسهم محتشم جدا وأطفال وزي ما بقلك رجالة بعتنلي قصصهم يعني الموضوع مش مقتصدر على البنات يا عمرو.."

وأضافت: "أنا بحاول أشجع البنات، ما تسمحيش لحد يتحرش بيكي لفظيا، أنت معملتيش حاجة، انت لما حطيتي صورتك وتعملي انستغرام ده مش معناه انك بتستدعي حد يتحرش بيكي انت معملتيش حاجة غلط.. في رسائل تهديد طبعا جاتلي.."