د. وليد شوقي : نصائح مهمة للحماية من الاصابة بفيروس الكرونا
وجه الدكتور وليد شوقي الطبيب المصري الذي يعمل بامريكا نصائح مهمة للوقاية من الاصابة بفيروس كرونا هي :
بلاش سلام بالايد ولا بوس ولا احضان
غسيل الايد كل ساعه وانت في الشغل
خد فوطة معاك مبلولة مياه بكلور واول ما تروح امسح مكتبك واي ادوات عليه واوكر الباب لو انت اللي بتمسكها او تفتحها
غسيل الايد هتفتح الحنفيه بمنديل وترميه تغسل الايد بالصابون لمدة عشرين ثانية وتنشف ايدك وتقفل الحنفيه بمنديل مش بايدك وترميه
اول ما ترجع بيتك الجزمة برا البيت تدخل ع الحمام تغسل ايدك بنفس الطريقة المذكورة
تمسح بفوطة بكلور موبايلك نضارتك مفاتيحك اوكرة باب الشقه اي مفتاح نور لمسته وانت داخل لو لابس ساعه خواتم كله هيتمسح حتي المحفظة والاهم الموبايل ويفضل لو تاخد دش
اي طلبات بنشتريها بتتمسح لو مغلفه بفوطة بمياه وكلور
الخضار والفاكهة غسيلهم بمياه الحنفيه كويس كافي جدا
بلاش اكل مطاعم او من الشارع الفترة دي
الفراخ السمك الغسيل كافي بمياه وخل
لو هتشتري اي مخبوزات من برا يفضل تتحط في صينية ولو خمس دقايق بس في الفرن او الميكرويف دقيقه مثلا
اي طلبات لو سبتها ٢٤ ساعة قبل استخدامها كافيه جدا ان الفيروس يموت من عليها
قاعدة ثابتة طول ما انت برا البيت ايدك متلمسش وشك ابدا الا اذا كانت مغسولة كويس جدا قبلها
لو قدرت تشتري كحول ٧٠ في المية او جل مطهر تستخدمه في حالة عدم توفر مياه في المكان لكن الصابون كافي جدا
رغم ان الناس واخدة الموضوع بهزار بس بكل امانة ده اللي بيعملوه في كل الدول اللي ظهرت فيها الاصابة النظافة هي الحل
الديتول لم يثبت فاعليته حسب اخر تقرير لمنظمة الصحة العالمية الكلوركس هو الافضل
حاول تعلي المناعة بأكل طبق سلطة وخضار. فاكهة بشكل يومي وشرب مياه كتير وتحاول تتعرض للشمس
ياريت نعرف ان المعركة معركة وعي يعني
لو كل واحد نشر المعلومات دي وعلم اللي حواليه هنقلل دايرة الاصابة
انك تعرف لوحدك ده مش هينقذك لازم تعلم اكبر عدد ممكن ولو الكل التزم بالاحتياطات نقدر باذن الله وحده نحتوي الازمة وربنا يرفع عنا البلاء
مصدر المعلومات صفحة دكتور وليد شوقي بأمريكا وياريت لو تقدروا نسخ هذه النصائح ونشرها يمكن تفيد غيرك
